Angirasi 122

Aṅgirasī 122

ā nau̍ bhara̱ mā pari̍ ṣṭhā̱ arā̍te̱ mā nau̍ rakṣo̱rdakṣi̍ṇā̱ṃ nīya̍mānām
namo̍ vī̱rtsyā̍yā̱ asamṛ̍ddhaye̱ namo̍ a̱stvarā̍taye

yama̍rāte pu̱rodha̍tse̱ puru̍ṣaṃ pari̱rāpi̍ṇam
nama̍ste tasmai̍ kṛṇmo̱ mā vṛ̱naṃ vya̍thayī̱rmama̍

pra ṇo̍ vṛ̱ni̱rdeva̍kṛtā̱ divā̱ nakta̍ṃ ca kalpatām
arā̍ti̱manu̍premau va̱yaṃ namo̍ a̱stvarā̍taye

sara̍svatī̱manu̍ma̱tiṃ bhaga̍ṃ ya̱ntau ha̍vāmahe
vāca̍ṃ ju̱ṣṭāṃ madhu̍matī̱mavā̍diṣaṃ de̱vānā̍ṃ de̱vahū̍tiṣu

yaṃ yācā̍mya̱haṃ vā̱cā sara̍svatyā mano̱yujā̍
śra̱ddhā tama̱dya vi̍ndatu da̱ttā some̍na ba̱bhrugā̍

mā vṛ̱na̍ṃ mā vāca̍ṃ no̱ vītsī̍ru̱bhāvi̍ndrāgnī̱ ā bha̍ratāṃ no̱ vasū̍ni
sarve̍ no a̱dya di̱tsantorā̍ti̱ṃ prati̍ haryata

pu̱rope̍hya̱samṛ̍ddhe̱ vi te̍ he̱tiṃ nayāmasi
veda̱ tvāhaṃ ni̍mī̱vantī̍ṃ ni̱tuda̍ntīmarāte

u̱ta na̱gnā bo̍bhuvatī̱ svapna̍yā sacase̱ jana̍m
arā̍te ci̱ttaṃ vī̱rtsyantyākū̍ti̱ṃ puru̍ṣasya ca

yā ma̍ha̱tī ma̍honmā̱nā viśvā̱ āśā̍ vyā̱naśe̍
tasyai̍ hiraṇyake̱śyai niṛ̍tyā̱ akara̱ṃ nama̍ḥ

hira̍ṇyavarṇā su̱bhagā̱ hira̍ṇyakaśipurma̱hī | tasyai̍ hiraṇyadrāpa̱yerā̍tyā akara̱ṃ nama̍:

iti daśamaḥ prapāṭhakaḥ

Linked texts (2)