Angirasi 123: athaikādaśaḥ prapāṭhakaḥ

Aṅgirasī 123

vai̱ka̱ṅka̱tene̱dhmena̍ de̱vebhya̱ ājya̍ṃ vaha | agne̱ tām̐ i̱ha mā̍da̱ya sarva̱ ā ya̍ntu me̱ hava̍m

indrā yā̍hi me̱ hava̍mi̱daṃ ka̍riṣyā̱mi tacchṛ̍ṇu
i̱ma ai̍ndrā atisa̱rā ākū̍ti̱ṃ saṃ na̍mantu me
tebhi̍: śakema vī̱rya̍ṃ1 jāta̍veda̱stanva̍vaśina

yada̱sāvu̍su̱tau de̱vā a̍de̱vaḥ sa̍ṃścikī̱rṣati̍
mā tasyā̱gnirha̱vyaṃ vo̍kṣī̱dvayaṃ de̍vā a̍sya̱ mopa̍ gu̱rmamaiva hava̱meta̍na

ati̍ dhāvatātisarā̱ indra̍sya̱ varca̍sā hata
avi̱ṃ vṛka̍ṃ iva ma̱thnī̱ta sa vo̍ jīva̱nmā mau̍ci prā̱ṇama̱syāpi̍ nahyata

yama̱mī pu̱roda̍dhi̱re brahmā̍ṇamapa̍bhūtaye | indra̱ sa tai adha̍spa̱daṃ taṃ pra̍tyasyāmi mṛ̱tyave̍

yadi̍ preyu̱rdeva̍purā̱ brahma̍ varmā̍ṇi cakri̱re
ta̱nu̱pāna̍ṃ pari̱pāṇa̍ṃ kṛṇvā̱nā yadu̍poci̱re sarva̱ṃ tada̍ra̱saṃ kṛ̍dhi

yānsā̍rvatisa̱rām̐śca̱kāra̍ kṛ̱ṇava̍cca̱ yān
tvaṃ tā̍nindra vṛtrahanpra̱tīca̍: puna̱rā kṛ̍dhi̱ yathā̱muṃ tṛ̱ṇahā̍ jana̍m

yathendra̍ uddā̱cana̍ṃ lu̱bdhvā ca̍kre adha̍spa̱dam
kṛ̱ṇve'ha̱mardha̍rām̐stathā̱mūṃśchra̱tībhya̍: samā̍bhyaḥ

atrai̍nānindra vṛtrahannu̱gro marma̍ṇi vidhya | atraivainā̍na̱bhi ti̍ṣṭhendra medya̱1haṃ tava̍
anu̍ tvendra ra̍bhāmahe̱ syāma̍ su̱matau tava̍

Linked texts (3)