Angirasi 126

Aṅgirasī 126

sami̍ddho a̱dya manu̍ṣo du̱roṇe de̱vo de̱vānya̍jasi jātavedaḥ
ā ca̱ vaha̍ mitramahaściki̱tvānnatvaṃ dū̱taḥ ka̱vira̍si̱ pracetā̍taḥ

tanū̱napā̱tpatha ṛ̱tasya̱ yānā̱nmadhvā̍ sama̱ñjantsva̍dayā sujihva
manmā̍ni dhī̱bhiru̱ta ya̱jñamṛ̱ndhande̱vatrā ca̍ kṛṇuhyadhva̱raṃ na̍ḥ

ā̱juhvā̍na īḍyo̍ va̱ndya̍ścā yā̍hyagne̱ vasu̍bhiḥ sa̱joṣa̍taḥ
tvaṃ de̱vānā̍masi ya̱hva hotā̱ sa e̍nānyakṣīṣi̱to yajī̍yān

prā̱cīna̍ṃ ba̱rhiḥ pra̱diśā̍ pṛthi̱vyā vastora̱syā vṛ̍jyate̱ agre̱ ahnā̍m
vyu̍ prathate vita̱raṃ varī̍yo de̱vebhyo̱ adi̍taye syo̱nam

vyaca̍svatīru̱rvīyā vi śra̍yantā̱ṃ pati̍bhyo̱ na jana̍yaḥ śumbha̍mānāḥ
devī̱rdvāro̍ bṛha̱tīrvi̱śvami̍nvā de̱vebhyo̍ bhavata suprāya̱ṇāḥ

ā su̱ṣvaya̍ntī yaja̱te u̱pāke̍ u̱ṣāsānaktā̍ sadatā̱ṃ ni yonau̍
di̱vye yoṣa̍ṇe bṛ‍ha̱tī su̍ru̱kme adhi̱ śriya̍ṃ śukrapi̱śaṃ dadhā̍ne

daivyā̱ hotā̍rā pratha̱mā su̱vācā̍ mimā̍nā ya̱jñaṃ manu̍ṣo̱ yaja̍dhyai
pra̱coda̍yantā vi̱dathe̍ṣu kā̱rū prācī̍na̱ṃ jyoti̍: pra̱diśā̍ di̱śantā̍

ā no̍ ya̱jñaṃ bhāra̍tī̱ tūrya̍me̱tviḍā̍ manu̱ṣvadi̱ha ce̱taya̍ntī
ti̱sro de̱vīrba̱rhire̱daṃ syo̱naṃ sara̍svatīḥ svapa̍saḥ sadantām

ya i̱me dyāvā̍pṛthi̱vī ja̱nitrī̍ rū̱pairapi̍ṃśa̱dbhuva̍nāni̱ viśvā̍
tama̱dya hotā̍riṣi̱to yajī̍yānde̱vaṃ tvaṣṭā̍rami̱ha ya̍kṣi vi̱dvān

upāva̍sṛja̱ tmanyā̍ sama̱ñjandevā̱nāṃ pātha̍ ṛ̱tuthā ha̱vīṃṣi̍
vana̱spati̍: śami̱tā de̱vo a̱gniḥ svada̍ntu ha̱vyaṃ madhu̍nā ghṛ̱tena̍

sa̱dyo jā̱to vya̍mimīta ya̱jñama̱gnirde̱vānā̍mabhavatpuro̱gāḥ
a̱sya hotu̍: pra̱śiṣyṛ̱tasya̍ vā̱ci svāhā̍kṛtaṃ ha̱vira̍dantu de̱vāḥ