Pramāṇa · Search · About · API

Angirasi 131

Aṅgirasī 131

Language
Sanskrit

131.1

te'vi̍danpratha̱mā bra̍hmakilbi̱ṣe'kūpāra̍ḥ sali̱lo mā̍ta̱riśvaॉ̍
vī̱ḍuha̍rāsta̱paṃ u̱graṃ ma̍yo̱bhūrāpo̍ de̱vīḥ pra̍tha̱ma̱jā ṛ̱tasya̍

131.2

somo̱ rājā̍ pratha̱mo bra̍hmajā̱yāṃ puna̱ḥ prāya̍ccha̱dahṛ̍ṇīyamānaḥ
a̱nva̍rtitā varu̍ṇo mi̱tra ā̍sīddu̱rhotā̱ hasta̍ṃgṛ̱hyā ni̍nāya

131.3

haste̍naiva grā̱hya̍ ā̱dhira̍syā brahmajā̱yeti̱ cedavo̍can
na dū̱tāya̍ṃ pra̱heyā̍ tastha e̱ṣā tathā̍ rā̱ṣṭraṃ gu̍pi̱taṃ kṣa̱triya̍sya

131.4

yāmā̱hustāra̍kaiṣā vike̱śīti̍ du̱cchunā̱ṃ grāma̍mava̱padya̍mānām
sā brahma̍jā̱yā vi du̍noti rā̱ṣṭraṃ yatra̱ prāpā̍di śa̱śa ulkuṣīmā̍n

131.5

bra̱hma̱cā̱rī cara̍ti̱ vevi̍ṣaddvi̱ṣaḥ sa de̱vānā̍ṃ bhava̱tyeka̱maṅga̍m
tene̍ jā̱yāmanvai̍vinda̱dbṛha̱spati̱ḥ some̍na nī̱tāṃ juhvā̍ṃ na de̱vāḥ

131.6

de̱vā vā e̱tasyā̍mavadant pūrve̍ sa̱ptaṛṣaya̱stapa̍sā̱ ye ni̱ṣedu̍ḥ
bhī̱mā jā̱yā brā̍hma̱ṇasyā̍panī̱tā du̱rdhāṃ da̍dhāti para̱me vyo̍man

131.7

ye garbhā̍ ava̱padya̍nte jaga̱dyaccā̍palu̱pyatai̍
vī̱rā ye tṛ̱hyantai̍ mi̱tho brahma̍jā̱yā hi̍nasti̱ tān

131.8

u̱ta yatpa̍ta̱yo daśa̍ striyā̱ḥ pūrve̱ abrāhmaṇāḥ
bra̱hmā ceddhasta̱magra̍bhītsa e̱va pa̍ti̱reka̍dhā

131.9

brāhma̍ṇa e̱va pati̱rna rā̍ja̱nyo̍3̱ na vaiśya̍ḥ
tatsūrya̍ḥ pra̱bruvanne̍ti pa̱ñcabhyo̍ māna̱vebhya̍ḥ

131.10

puna̱rve de̱vā a̍daduḥ puna̱rmanu̍ṣyā̍3 adaduḥ
rājā̍naḥ sa̱tyaṃ gṛ̍hṇānā brahma̍jā̱yāṃ puna̍rdaduḥ

131.11

pu̱na̱rdāya̍ brahma̍jā̱yāṃ kṛ̱tvā de̱vairniki̍lbiṣam
ūrja̍ṃ pṛthi̱vyā bha̱ktvoru̍gā̱yamupā̍sate

131.12

nāsya̍ jā̱yā śa̍tavāhī ka̍lyā̱ṇī talpa̱mā śa̍ye
yasmi̍n rāṣṭre ni̱rudhya̍te brahma̍jā̱yāci̍ttyā

131.13

na vi̍karṇaḥ pṛ̱thuśi̍rāstasmi̱nveśma̍ni jāyate
yasmi̍n rāṣṭre ni̱rudhya̍te brahma̍jā̱yāci̍ttyā

131.14

nāsya̍ kṣa̱ttā niṣka̍grīvaḥ sū̱nānā̍metyagra̱taḥ
yasmi̍n rāṣṭre ni̱rudhya̍te brahma̍jā̱yāci̍ttyā

131.15

nāsya̍ śve̱taḥ kṛ̱ṣṇaka̍rṇo̱ dhuri̍ yu̱kto ma̍hīyate
yasmi̍n rāṣṭre ni̱rudhya̍te brahma̍jā̱yāci̍ttyā

131.16

nāsya̱ kṣetre̍ puṣka̱riṇī̱ nāṇḍī̍kaṃ jāyate̱ bisa̍m
yasmi̍n rāṣṭre ni̱rudhya̍te brahma̍jā̱yāci̍ttyā

131.17

nāsmai̍ pṛ̱śniṃ vi du̍hanti̱ ye'syā̍ do̱hamupāsa̍te
yasmi̍n rāṣṭre ni̱rudhya̍te brahma̍jā̱yāci̍ttyā

131.18

nāsya̍ dhe̱nuḥ ka̍lyāṇī nāna̱ḍvānatsa̍hate̱ dhura̍m
vijā̍ni̱ryatra̍ brā̱hma̱ṇo rātri̍ṃ vasa̍ti pā̱payèā̍

Linked texts (4)