Angirasi 140

Aṅgirasī 140

yajū̍ṃṣi ya̱jñe samidha̱ḥ svāhā̍gniḥ pra̍vi̱dvāni̱ha vo̍ yunaktu

yu̱naktu̍ de̱vaḥ sa̍vi̱tā pra̍jā̱nanna̱sminya̱jñe ma̍hi̱ṣaḥ svāhā̍

indra̍ u̱kthāmṛdā̱nyasminya̱jñe pra̍vi̱dvānyu̍naktu su̱yuja̱ḥ svāhā̍

praiṣā ya̱jñe ni̱vida̱ḥ svāhā̍ śi̱ṣṭāḥ patnī̍bhi̱rvaha̍te̱ha yu̱ktāḥ

chandā̍ṃsi ya̱jñe ma̱ruta̱ḥ svāhā̍ mā̱teva̍ pu̱traṃ pi̍pṛte̱ha yu̱ktāḥ

e̱yama̍ganba̱rhiṣā̱ prokṣa̍ṇībhīrya̱jñaṃ ta̍nvā̱nādi̍tiḥ svāhā̍

viṣṇu̍ryunaktu bahu̱dhā tapaॉ̱ṃsyasminya̱jñe su̱yuja̱ḥ svāhā̍

tvaṣṭā̍ yunaktu bahu̱dhā nu rū̱pā asminya̱jñe su̱yuja̱ḥ svāhā̍

bhago̍ yunaktā̱śiṣo̱ nva1̱̍smā a̱sminya̱jñe pra̍vi̱dvānyu̍naktu su̱yuja̱ḥ svāhā̍

somo̍ yunaktu bahu̱dhā paryā̍ṃsya̱sminya̱jñe su̱yuja̱ḥ svāhā̍

indro̍ yunaktu bahu̱dhā vī̱ryā̍ṇya̱sminya̱jñe su̱yuja̱ḥ svāhā̍

a̱śvinā̱ brahma̍ṇā yāta̱marvā̍ñcau vaṣaṭkāreṇa̍ ya̱jñaṃ va̍rdhaya̍ntau
bṛha̍spate̱ brahma̍ṇā yo̱hyarvāṅ ya̱jño a̱yaṃ sva̱1̱̍ridaṃ yaja̍mānāya̱ svāhā̍

Linked texts (2)