Angirasi 15
Aṅgirasī 15
- Language
- Sanskrit
15.1
a̱do yada̍va̱dhāva̍tyava̱tkamadhi̱ parva̍tāt | tatte̍ kṛṇomi bheṣa̱jaṃ su̱bheṣa̍jaṃ yathāsa̍si
15.2
ādu̱ṅga ku̱vidu̱ṅga śataṃ yā bhaiṣa̱jāni̍ te | teṣā̍masi̱ tvamu̍tta̱mama̍nāsrāvamaro̍gaṇam
15.3
nī̱caiḥ khana̍ntyasu̱rā a̱rustrāṇaṃmi̱daṃ mahat | tadāsrā̱vasya̍ bheṣa̱jaṃ tadu̱ roga̍manīnaśat
15.4
u̱pa̱jīkā̱ udbha̍ranti samudrādadhi̍ bheṣa̱jam | tadāsrā̱vasya̍ bheṣa̱jaṃ tadu̱ roga̍maśīśamat
15.5
a̱rusrāṇa̍mi̱daṃ maha̱tpṛthivyā adhyu̍ddhṛtam | tadāsrā̱vasya̍ bheṣa̱jaṃ tadu̱ roga̍manīnaśat
15.6
śaṃ no̍ bhavantvapa oṣa̍dhayaḥ śivāḥ
indra̍sya̱ vajro̱ apa̍ hantu̱ rakṣa̍saṃ ārādvisṛ̍ṣṭā̱ iṣa̍vaḥ patantu̱ rakṣa̍sām
Linked texts (2)
- Atharvaveda — Sanskrit
- Śaunakasaṃhitā — Sanskrit