Angirasi 16
Aṅgirasī 16
- Language
- Sanskrit
16.1
dī̱rghāyu̱tvāya̍ bṛha̱te raṇā̍yāri̍ṣyanto dakṣa̍māṇāḥ sadai̍va
ma̱ṇiṃ vi̍ṣkandhadūṣaṇa̍ṃ ja̱ṅgi̱ḍaṃ bi̍bhṛmo va̱yam
16.2
ja̱ṅgi̱ḍo jṛ̍mbha̱hiśa̍rādviṣka̍ndhādabhi̱śoca̍nāt
ma̱ṇiḥ sa̱hasra̍vīryaḥ pari̍ ṇaḥ pātu vi̱śvata̍ḥ
16.3
a̱yaṃ vi̱ṣkandha̍ṃ saha̱teyaṃ bā̍dhate a̱triṇa̍ḥ
a̱yaṃ nau vi̱śvabhe̍ṣajo ja̱ṅgiḍaḥ pā̱tvaṃha̍saḥ
16.4
de̱vairda̱ttena̍ ma̱ṇinā̍ ja̱ṅgi̱ḍena̍ mayo̱bhuvā̍
vi̱ṣkandha̱ṃ sarvā̱ rakṣā̍m̐si̱ vyāyā̱me sa̍hāmahe
16.5
śa̱ṇaśca̍ mā ja̱ṅgiḍaśca̍ viṣka̱ndhādu̱bhi ra̍kṣatām
ara̍ṇyāda̱nya ābhṛ̍taḥ kṛ̱ṣyā a̱nyo rase̍bhyaḥ
16.6
kṛtyā̱dūṣi̍ra̱yaṃ ma̱ṇiratho̍ arāti̱dūṣi̍ḥ
atho̱ saha̍svān ja̱ṅgiḍaḥ pra ṇa āyū̍ṃṣi tāriṣat
Linked texts (2)
- Atharvaveda — Sanskrit
- Śaunakasaṃhitā — Sanskrit