Pramāṇa · Search · About · API

Angirasi 165

Aṅgirasī 165

Language
Sanskrit

165.1

ṛṣiḥ - uparibabhruvaḥ || devatā - gauḥ || chandaḥ - gāyatrī
āyaṃ gauḥ pṛśni̍rakramī̱dasa̍danmā̱tara̍ṃ pu̱raḥ | pi̱tara̍ṃ ca pra̱yantsva̍ḥ

165.2

a̱ntaśca̍rati roca̱nā a̱sya prā̱ṇāda̍pāna̱taḥ | vya̍khyanmahi̱ṣaḥ sva̍ḥ

165.3

tri̱ṃśaddhāma̱ vi rā̍jati̱ vākpa̍ta̱ṅgo aśiśriyat | prati̍ vasto̱raha̱rdyubhi̍ḥ

165.1-2

a̱ntardāve ju̍hutā khe̱rutā̍yātu̱dhāna̱kṣayaṇa̍ṃ ghṛ̱tena̍
ā̱rādrakṣā̍ṃsi prati̍ daha̱ tvama̍gne̱ na nau gṛ̱hāṇā̍mupa̍ tītapāsisi

165.2-2

ru̱dro vo̍ grī̱vā a̍śa̱raitpiśācāḥ pṛ̱ṣṭīrvopi̍ śṛṇātu yātudhānāḥ
vī̱ruddho̍ vi̱śvato̍vīryā̱ yamena̱ sama̍jīgamat

165.3-2

abha̍yaṃ mitrāvaruṇāvi̱hāstu̍ no̱rciṣā̱triṇo̍ nudata̱ṃ pratī̍caḥ
mā jñā̱tāra̱ṃ mā prati̍ṣṭhāṃ vidanta mi̱tho vi̍ṃdānā upa̍ yantu mṛ̱tyum

165.1-3

yasye̱damā rajo̱ yurjastu̱je janā̍ va̱naṃ sva̍ḥ | indra̍sya̱ rantya̍ṃ bṛ̱hat

165.2-3

nādhṛ̍ṣa̱ ā da̍dhṛṣate dhṛ̱ṣāṇo̍ dhṛṣi̱taḥ śarva̍ḥ
pu̱rā yarthā vyathiḥ śrava̱ indra̍sya̱ nādhṛ̍ṣe śarva̍ḥ

165.3-3

sa nau̍ dadātu̱ tāṃ ra̱yimu̱ruṃ piśā̱ṅgīsa̍ṃdṛśam | indraḥ prati̍stu̱viṣṭa̍mo̱ jane̍ṣvā

165.1-4

prā̱gnaye̍ vā̱camīraya vṛṣabhāya̍ kṣitī̱nām | sa na̍ḥ parṣadati dviṣa̍ḥ

165.2-4

yo rakṣā̍ṃsi ni̱jūrva̍tya̱gnisti̱gmena̍ śo̱ciṣā̍ | sa na̍ḥ parṣadati dviṣa̍ḥ

165.3-4

yaḥ pa̍ra̱syāḥ pa̍rā̱vata̍sti̱ro dhanvā̍ti̱roca̍te | sa na̍ḥ parṣadati dviṣa̍ḥ

165.4

yo viśvā̍bhi vi̱paśya̍ti̱ bhuva̍nā̱ saṃ ca̱ paśya̍ti | sa na̍ḥ parṣadati dviṣa̍ḥ

165.5

yo a̱sya pā̱re raja̍saḥ śu̱kro a̱gnirjā̍yata | sa na̍ḥ parṣadati dviṣa̍ḥ

Linked texts (2)