Angirasi 17
Aṅgirasī 17
- Language
- Sanskrit
17.1
indra̍ ju̱ṣasva̱ pra va̍hā yā̍hi śūra̱ hari̍bhyām
pibā̍ su̱tasya̍ ma̱teri̱ha madho̍śca̱kānaścāru̱rmadā̍ya
17.2
indra̍ ja̱ṭhara̍ṃ nṛ̱vyo 1 na pṛ̱ṇasva̱ madho̍rdi̱vo na
a̱sya su̱tasya̱ sva1̱̍rṇorpa tvā̱ madā̍: su̱vāco̍ agruḥ
17.3
indra̍sturā̱ṣāṇmi̱tro vṛ̱traṃ yo ja̱ghāna̍ ya̱tīrna
bi̱bheda̍ va̱laṃ bhṛgu̍rna saṃsa̱he śatrūnmade̱ soma̍sya
17.4
ā tvā̍ viśantu su̱tāsa̍ indra pṛ̱ṇasva̍ ku̱kṣī vi̱ddhi śa̍kra dhi̱yehyā na̍:
śru̱dhī hava̍ṃ girau̍ me ju̱ṣasvendre̍ sva̱yugbhi̍rma̱tsveha ma̱he raṇā̍ya
17.5
indra̍sya̱ nu pra vo̍caṃ vī̱ryā̍ṇi̱ yāni̍ ca̱kāra̍ pratha̱māni̍ va̱jrī
aha̱nnahi̱manva̱pasta̍tarda̱ pra va̱kṣaṇā̍ abhi̱natparva̍tānām
17.6
aha̱nnahi̱ṃ parva̍te śi̱śri̱yāṇaṃ tvaṣṭā̍smai̱ vajra̍ṃ sva̱rya̍ṃ tatakṣa
vā̱śrā i̍va dhe̱nava̍: syanda̍mānā̱ añja̍: samu̱dramava̍ jagmu̱rāpa̍:
17.7
vṛ̱ṣāya̍māṇo avṛṇīta̱ soma̍ṃ tri̱kadru̍keṣvapibatsu̱tasya̍
ā sāya̍kaṃ ma̱ghavā̍datta̱ vajra̱maha̍nnenaṃ pratha̱majā̱mahī̍nām
Linked texts (2)
- Atharvaveda — Sanskrit
- Śaunakasaṃhitā — Sanskrit