Angirasi 171

Aṅgirasī 171

utsūryo̍ di̱va e̍ti pu̱ro rakṣā̍m̐si ni̱jūrvan̍ | ā̱di̱tyaḥ parva̍tebhyo vi̱śvadṛ̍ṣṭo adṛ̱ṣṭahā

ni gāvo̍ go̱ṣṭhe a̍sadana̱nni mṛ̱gāso̍ avikṣata | nyū13rmayo̍ na̱dīnā̱ṃ nya13dṛṣṭā̍ alipsata

āyu̍rdadaṃ vi̱paścita̍ṃ śru̱tāṃ ka̱ṇvasya̍ vī̱rudha̍m
ābhā̍riṣaṃ vi̱śvarbheṣajīma̱syādṛṣṭānni śa̍mayat

dyauśca̍ ma i̱daṃ pṛ̍thi̱vī ca̱ prace̍tasau śu̱kro bṛ̱handakṣi̍ṇayā pipartu
anu̍ sva̱dhā ci̍kitā̱ṃ somo̍ a̱bhirvāyurna̍ḥ pātu savi̱tā bhaga̍śca

puna̍ḥ prā̱ṇaḥ puna̍rā̱tmā na̱ aitu̱ puna̱ścakṣu̍ḥ puna̱rasu̍rna̱ aitu̍
vai̱śvā̱na̱ro no̱ ada̍bdhastanū̱pā a̱ntasti̍ṣṭhāti duri̱tāni̱ viśvā̍

saṃ varca̍sā̱ paya̍sā̱ saṃ tanū̱bhirganma̍hi̱ mana̍sā̱ saṃ śi̱vena̍
tvaṣṭā̍ no̱ atra̱ varī̍yaḥ kṛṇo̱tvanu̍ no mārhu ta̱nvo̱3 yadviri̍ṣṭam

i̱daṃ tadyuja̱ utta̍ra̱mindra̍ṃ śumbhāmya̱ṣṭaye̍
a̱sya kṣa̱traṃ śriya̍ṃ ma̱hīṃ vṛ̱ṣṭiri̍va vardhayā̱ tṛṇa̍m

a̱smai kṣa̱trama̍gnīṣomāva̱smai dhāra̍yataṃ ra̱yim
i̱maṃ rā̱ṣṭrasyā̍bhīva̱rge kṛ̱ṇutaṃ yuja̱ utta̍ram

saba̍ndhuścāsaba̍ndhuśca̱ yo a̱smām̐ a̍bhi̱dāsa̍ti
sarva̱ṃ taṃ ra̍ndhayāsa me̱ yaja̍mānāya sunva̱te

ye panthā̍no ba̱havo̍ de̱vayānā̍ a̱ntarā dyāvā̍pṛthi̱vī sa̱ṃcara̍nti
teṣāmajyā̍ni̱ṃ yata̱mo vahā̍ti̱ tasmai̍ mā de̱vāḥ pari̍ dhatteha̱ sarve̍

grī̱ṣmo haima̍ntaḥ śi̱śi̱ro va̍sa̱ntaḥ śa̱radva̱rṣāḥ svi̍te no̍ dadhāta
ā no̱ goṣu̍ bhajata̱ prajā̍yāṃ ni̱vāta̱ iddhaiḥ śa̱raṇe̍ syāma

i̱dāva̍tsarā̱ya pa̍rivatsarā̱ya sa̍ṃvatsarā̱ya kṛ̍ṇutā bṛha̱nnama̍ḥ
teṣā̍ṃ va̱yaṃ su̍ma̱tau ya̱jñiyā̍nāmapi̍ bha̱dre sau̍mana̱se syāma̍

mā nau̍ de̱vā ahi̍rvadhītsa̱taukā̱ntsaha̱pūru̍ṣān
saṃya̍ta̱ṃ na vi ṣpa̍ra̱dyātta̍ṃ na saṃ ya̍ma̱nnamo̍ de̱vaja̍nebhyaḥ

namo̍stvasi̱tāya̱ nama̍stira̱ścirā̍jaye
sva̱jāya̍ ba̱bhrave̱ namo̱ namo̍ de̱vaja̍nebhyaḥ

saṃ te̍ hanmi da̱tā da̱taḥ samu̍ te̱ hanvā̍ hanū
saṃ te̍ ji̱hvayā̍ ji̱hvāṃ samvā̱snāha̍ ā̱sya̱m

Linked texts (2)