Pramāṇa · Search · About · API

Angirasi 187

Aṅgirasī 187

Language
Sanskrit

187.1

ṛṣiḥ-bhagaḥ || devatā-indraḥ || chandaḥ-1-3 anuṣṭup
āga̍cchata̱ āga̍tasya̱ nāma̍ gṛ̱hṇāmyā̍ya̱taḥ
indra̍sya vṛtra̱ghno va̍nve vāsava̱sya̍ śa̱takra̍toḥ

187.2

yena̍ sū̱ryāṃ sā̍vi̱trīma̱śvino̍hatuḥ pa̱thā
tena̍ māma̍bravīdbhago̱ jāyāmā va̍hatā̱diti̍

187.3

yastai'ṅkuśo vasudāno bṛhannindra hiraṇyayaḥ
tenā̍ janī̱yate jā̱yāṃ mahya̍ṃ dhehi śacīpate

187.1-2

apa̍citaḥ pra patata su̱parṇo va̍sa̱teri̍va
sūrya̍ṃḥ kṛṇotu bheṣa̱jaṃ ca̱ndramā̱ vopo̍cchatu

187.2-2

anyaikā̍ śye̱nyekā̍ kṛ̱ṣṇaikā̍ rohi̍ṇī dve
sarvā̍sāmagra̱bhaṃ nāmāvī̍ra̱dhvīrapetana

187.3-2

asūtikā rāmāyaṇyapacitpra patiṣyati
glauritaḥ pra patiṣyati sa galunto naṃśiṣyati

187.4

vī̱hi svāmāhu̍tiṃ juṣā̱ṇo mana̍sā̱ svāhā̱ mana̍sā̱ yadi̱daṃ ju̱homi̍

187.1-3

yasyā̍sta ā̱sani̍ gho̱re ju̱homye̱ṣāṃ ba̱ddhānā̱mava̍sa̱rjanā̍ya̱ kam
bhūmi̱riti̍ tvā̱bhiprama̍nvate̱ janā̱ nirṛ̍ti̱riti̍ tvā̱haṃ pari̍ veda̱ sarva̍taḥ

187.2-3

bhūte̍ ha̱viṣma̍tī bhave̱ṣa tai bhā̱go yo a̱smāsu̍
muñce̱mānmūnena̍sa̱ḥ svāhā̍

187.3-3

e̱vo ṣva̍1̱smannirṛ̍te̱nehā tvama̍yasma̱yānvi cṛ̍tā bandha̱pāśā̍n
ya̱mo mahya̱ṃ puna̱rittvāṃ da̍dāti̱ tasmai̍ ya̱māya̱ namo̍ astu mṛ̱tyave̍

187.4-2

aya̍smaye drupa̱de ve̍dhiṣa i̱hābhihi̍to mṛ̱tyubhi̱rye sahasra̍m
ya̱mena̱ tvaṃ pi̱tṛbhi̱ḥ saṃvi̍dāna utta̱maṃ nākamadhi̍ rohaye̱mam

187.1-4

vara̍ṇo vāra̍yātā a̱yaṃ de̱vo vana̱spati̍ḥ
yakṣma̍ yo a̱sminnāvi̍ṣṭa̱stamu̍ de̱vā a̍vīvaran

187.2-4

indra̍sya̱ varca̍sā va̱yaṃ mi̱trasya̱ varu̍ṇasya ca
de̱vānā̱ṃ sarve̍ṣāṃ vā̱cā yakṣma̍ṃ te vārayāmahe

187.3-4

yathā̍ vṛ̱tra i̱mā āpa̍sta̱stambha̍ vi̱śvadho̍ ya̱tīḥ
e̱vā te̍ a̱gninā̍ ya̱kṣmaṃ vai̍śvāna̱reṇa̍ vāraye

Linked texts (2)