Angirasi 2
Aṅgirasī 2
- Language
- Sanskrit
2.1
i̱daṃ ha̱viryā̍tudhā̱nāñja̱dī phena̍mivā vahat
ya i̱daṃ strī pumānka̱riha sa stu̍vatā̱ṃ jana̍ḥ
2.2
a̱yaṃ stu̍vā̱na ārgamadi̱maṃ sma̱ prati̍ haryata
bṛha̍spate vaśe̍ la̱bdhvāgnī̍ṣomā̱ vi vi̍dhyatam
2.3
yā̱tu̱dhāna̍sya somapa ja̱hi pra̱jāṃ naya̍sva ca
ni stu̍vānasya̍ pātaya̱ para̱makṣyutāvara̍m
2.4
yatrai̍ṣāma̱gne jani̍māni̱ vettha̱ guhā̍ sa̱tāma̱triṇā̍ṃ jātavedaḥ
tāṃstvaṃ brahma̍ṇā vāvṛdhā̱no ja̱hye̍ṣāṃ śa̱taha̍nnagne
2.1-2
a̱smintvasu̱ vasa̍vo dhāraya̱ntvindra̍ḥ pū̱ṣā varu̍ṇo mi̱tro a̱gniḥ
i̱mamā̍di̱tyā uta viśve̍ ca de̱vā utta̍rasmi̱ñjyoti̍ṣi dhārayantu
2.2-2
a̱sya de̍vāḥ pra̱diśi̱ jyoti̍rastu̱ sūryo̍ a̱mṛ̱ta vā̱ hira̍ṇyam
sa̱patnau a̱smadadha̍re bhavantūtta̱maṃ nāka̱madhi̍ rohayemam
2.3-2
yenendrā̍ya sa̱mabha̍raḥ paryā̍syutta̱mena̱ brahma̍ṇā jātavedaḥ
tena̱ tvama̍gna i̱ha va̍rdhaye̱maṃ sa̱ṃjātā̱nāṃ śreṣṭhya̱ ā dhe̍hyenam
2.4-2
e̱ṣāṃ ya̱jñamu̱ta varco̍ dade̱haṃ rā̱yaspoṣa̍mu̱ta ci̱ttānya̍gne
sa̱patnau a̱smadadha̍re bhavantūtta̱maṃ nāka̱madhi̍ rohayemam
Linked texts (1)
- Śaunakasaṃhitā — Sanskrit