Angirasi 204
Aṅgirasī 204
- Language
- Sanskrit
204.1
ṛṣiḥ-atharvā || devatā-agniḥ || chandaḥ-1 parānuṣṭup triṣṭup; 2-4 anuṣṭup
i̱maṃ me̍ agne̱ puru̍ṣaṃ mumugdhya̱yaṃ yo ba̱ddhaḥ su̱rya̍to̱ lāla̍pīti
ato̱dhi te̍ kṛṇavadbhāga̱dheya̱ṃ yadā̱nunma̍dito'sa̍ti
204.2
a̱gniṣṭe̱ ni śa̍mayatu̱ yadi̍ te̱ mana̱ udya̍tam
kṛ̱ṇomi̍ vi̱dvānbhai̍ṣa̱jaṃ yathā̱nunma̍dito'sa̍si
204.3
daivai̍na̱sādunma̍dita̱munma̍tta̱ṃ rakṣa̍sa̱spari̍
kṛ̱ṇomi̍ vi̱dvānbhai̍ṣa̱jaṃ yadā̱nunma̍dito'sa̍ti
204.4
puna̍stvā du̱rapsa̍rasa̱ḥ puna̱rindra̱ḥ puna̱rbhaga̍ḥ
puna̍stvā̱ durviśve̍ de̱vā yathā̱nunma̍dito'sa̍si
Linked texts (2)
- Atharvaveda — Sanskrit
- Śaunakasaṃhitā — Sanskrit