Angirasi 213
Aṅgirasī 213
- Language
- Sanskrit
213.1
ṛṣiḥ-bhṛguḥ || devatā-viśve devāḥ || chandaḥ-1, 2 triṣṭup; 3 dvipadā sāmnyanuṣṭup;
4 dvipadā prājāpatyā bhurignuṣṭup ( ekāvasānā ); [ 5 anuṣṭup ]
e̱taṃ sa̍dhasthāḥ pari̍ vo dadāmi̱ yaṃ śe̍va̱dhimāva̍hājjā̱tave̍dāḥ
a̱nvāga̍ntā yaja̍mānaḥ sva̱sti taṃ sma̍ jānīta pa̱rame vyo̍man
213.2
jā̱nī̱ta smai̍naṃ pa̱rame vyo̍mandevāḥ sadha̍sthā̱ vida̍ lo̱kamatra̍
a̱nvāga̍ntā yaja̍mānaḥ sva̱stīṣṭā̍pū̱rtaṃ sma̍ kṛṇutāvi̱rasmai̍
213.3
de̱vāḥ pi̱tara̍ḥ pi̱taro̍ de̱vāḥ | yo asmi̱ so a̍smi
213.4
sa pa̍cāmi̱ sa da̍dāmi̱ sa ya̍je̱ sa da̱ttānmā yū̍ṣam
213.5
nāke̍ rājanprati̍ tiṣṭha̱ tatrai̱tatprati̍ tiṣṭhatu
vi̱ddhi pū̱rtasya̍ no rāja̱nsa dai̍va su̱manā̍ bhava
Linked texts (3)
- Atharvaveda — Sanskrit
- Śaunakasaṃhitā — Sanskrit
- Kāṭhakasaṃhitā — Sanskrit