Angirasi 218
Aṅgirasī 218
- Language
- Sanskrit
218.1
ṛṣiḥ-aṅgirāḥ || devatā-śakadhūmaḥ, somaḥ || chandaḥ-anuṣṭup
śa̱ka̱dhūma̱ṃ nakṣa̍trāṇi̱ yadrājā̍namakurvata
bha̱drāha̍masmai prāya̍ccha̱nni̱daṃ rā̱ṣṭrama̍sāditi̍
218.2
bha̱drāha̍ṃ no̱ madhyandi̍ne bha̱drāha̍ṃ sā̱yama̍stu naḥ
bha̱drāha̍ṃ no̱ ahnā̍ṃ prā̱tā rātrī̍ bha̱drāha̍mastu naḥ
218.3
a̱ho̱rā̱trābhyā̱ṃ nakṣa̍trebhya̱ḥ sūryā̍candrama̱sābhyā̍m
bha̱drāha̱masmabhya̍ṃ rājañchaka̍dhūma̱ tvaṃ kṛ̍dhi
218.4
yo no̍ bha̱drāha̍makaraḥ sā̱yaṃ nakta̱matho̍ di̱vā
tasmai̍ te nakṣatrarāja̱ śaka̍dhūma̱ sadā̱ nama̍ḥ
Linked texts (2)
- Atharvaveda — Sanskrit
- Śaunakasaṃhitā — Sanskrit