Angirasi 228
Aṅgirasī 228
- Language
- Sanskrit
228.1
ṛṣiḥ—atharvā || devatā—vanaspatiḥ || chandaḥ—1, 2, 4, 5 anuṣṭup; 3 pathyā paṅktiḥ
tvaṃ vī̱rudhā̱ṃ śreṣṭha̍tamā̱bhiśru̍tāsyoṣadhe
i̱maṃ me̍ a̱dya pūru̍ṣaṃ klī̱bamopa̍śinaṃ kṛdhi
228.2
klī̱baṃ kṛ̍dhyopa̱śina̱matho̍ kurī̱riṇa̍ṃ kṛdhi
athā̍syendro grāva̍bhyāmu̱bhe bhi̍nattvā̱ṇḍyau̍
228.3
klībaṃ klībaṃ tvākaraṃ vadhre vadhriṃ tvākaramarasārasaṃ tvākaram
kurīra̍masya śīrṣaṇi̱ kumbha̍ṃ cādhinidadhmasi
228.4
ye te̍ nā̱ḍyau̍ deva̱kṛte̱ yayostiṣṭha̍ti vṛṣṇya̍m
te te̍ bhinadmi śamya̍yāmuṣyā̱ adhi̍ mu̱ṣkayo̍ḥ
228.5
yathā̍ na̱ḍaṃ ka̱śipu̍ne̱ striyo̍ bhi̱ndantyaśma̍nā
e̱vā bhinadmi te̱ śepo̱muṣyā̱ adhi̍ mu̱ṣkayo̍ḥ
Linked texts (3)
- Atharvaveda — Sanskrit
- Śaunakasaṃhitā — Sanskrit
- Paippalādaśākhā — Sanskrit