Angirasi 23
Aṅgirasī 23
- Language
- Sanskrit
23.1
dyāvā̍pṛthi̱vī u̱rva 1̱̍ntari̍kṣa̱ṃ kṣetra̍sya̱ patnyu̱rugā̱yodbhu̍taḥ
u̱tāntari̍kṣamuru̱ vāta̍gopa̱ṃ ta i̱ha ta̍pyantā̱ṃ mayi̱ tapya̍māne
23.2
i̱daṃ de̍vāḥ śṛṇuta̱ ye ya̱jñiyā̍ stha bhara̱dvājo̍ mahyamu̱kthāni̍ śaṃsati
pāśe̍ sa ba̱ddho du̍ri̱te ni yu̍jyatā̱ṃ yo a̱smāka̱ṃ mana̍ i̱daṃ hi̱nasti̍
23.3
i̱dami̍ndra śṛṇuhi somapa̱ yattvā̍ṃ hṛ̱dā śoca̍tā̱ joha̍vīmi
vṛ̱ścāmi̱ taṃ ku̍li̱śene̍va vṛ̱kṣaṃ yo a̱smāka̱ṃ mana̍ i̱daṃ hi̱nasti̍
23.4
a̱śīti̍bhisti̱sṛbhi̍: sā̱mage̍bhi̱rādi̱tyebhi̱rvasu̍bhi̱raṅgi̍robhiḥ
i̱ṣṭā̱pū̱rtama̍vatu naḥ pi̱tṝṇāmā̱muṃ da̍de̱ hara̍sā̱ daivye̍na
23.5
dyāvā̍pṛthi̱vī anu̍ mā dīdhīthā̱ṃ viśve̍ devāso̱ anu̍ mā rabhadhvam
aṅgirasaḥ pitaraḥ somyāsaḥ pāpmāchailvapakāmasya kartā
23.6
atī̍va̱ yo ma̍ruto̱ manya̍te no̱ brahma̍ vā̱ yo nindi̍ṣa̱tkriyamā̍ṇam
tapū̍ṃṣi tasmai̍ vṛji̱nāni̍ santu̱ brahma̱dviṣa̱ṃ dyaura̱bhisaṃta̍pāti
23.7
sa̱pta prā̱ṇāna̱ṣṭau ma̱nyastāṃste̍ vṛścāmi̱ brahma̍ṇā
a̱yāṃ ya̱masya̱ sāda̍nama̱mvidū̍to ara̍ṅkṛtaḥ
23.8
ā da̍dhāmi te pa̱daṃ sami̍ddhe jā̱tave̍dasi | a̱gniḥ śarī̍raṃ veve̱ṣṭvasu̍ṃ vā̱gapya̍ gacchatu
Linked texts (2)
- Atharvaveda — Sanskrit
- Śaunakasaṃhitā — Sanskrit