Angirasi 233: atha saptamaṃ kāṇḍam

Aṅgirasī 233

Language: Sanskrit

atha saptamaṃ kāṇḍam

233.p1

[ ṣaṣṭhakāṇḍe anuvākāḥ 13, sūktāni 142, ṛcaḥ 454 ]

ṛṣiḥ - atharvā (brahmavarcasakāmaḥ) || devatā - prātmā
chandaḥ - 1 triṣṭup; 2 virāṭ jagatī
dhī̱tī vā̱ ye a̍naya̱nvāco agre̱ mana̍sā vā̱ ye'va̍dannṛ̱tāni̍
tṛ̱tīye̍na̱ brahma̍ṇā vāvṛdhā̱nāstu̱rīye̍ṇāmanvata̱ nāma̍ dhe̱noḥ

233.2

sa ve̍da̱ putraḥ pi̱tara̱ṃ sa mā̱tara̱ṃ sa sū̱nurbhuva̱tsa bhu̍va̱tpuna̍rmaghaḥ
sa dyāmorṇo̍du̱ntari̍kṣa̱ṃ sva̍ḥ sa i̱daṃ viśva̍mabhava̱tsa ābha̍vat

233.1-2

ṛṣiḥ - atharvā (brahmavarcasakāmaḥ) || devatā - ātmā || chandaḥ - triṣṭup
atha̍rvāṇaṃ pi̱tara̍ṃ de̱vaba̍ndhuṃ mā̱turgarbha̍ṃ pi̱tura̱suṃ yu̍vā̍nam
ya i̱maṃ ya̱jñaṃ mana̍sā cike̱ta pra ṇo̍ voca̱stami̱heha bra̍vaḥ

233.1-3

ṛṣiḥ - atharvā (brahmavarcasakāmaḥ) || devatā - ātmā || chandaḥ - triṣṭup
a̱yā vi̱ṣṭhā ja̍nayanka̱rvarā̍ṇi̱ sa hi ghṛṇi̍ruru̱rvarā̍ya gā̱tuḥ
sa pra̱tyudai̎ddharu̱ṇaṃ madhvo̱ agre̍ sva̱yāṃ ta̱nvā̱3 tanrva̱maira̍yata

233.1-4

ṛṣiḥ - atharvā ( brahmavarcasakāmaḥ) || devatā - vāyuḥ || chandaḥ - triṣṭup
eka̍yā ca da̱śabhi̍ścā su̱hute̱ dvābhyā̍miṣṭaye vi̱ṃśatyā̍ ca
ti̱sṛbhi̍śca vaha̍se tri̱ṃśatā̍ ca vi̱yugbhi̍rvāyavi̱ha tā vi mu̍ñca

Linked texts (2)

Atharvaveda — Sanskrit
Śaunakasaṃhitā — Sanskrit