Angirasi 235

Aṅgirasī 235

adi̍ti̱rdyauradi̍ti̱rantari̍kṣamadi̍tirmā̱tā sa pi̱tā sa pu̱traḥ
viśve̍ de̱vā adi̍ti̱ḥ pañca̱ janā̱ adi̍tirjā̱tamadi̍tirjani̱tvam

ma̱hīmū̱ ṣu mā̱tara̍ṃ su̱vratā̍nā̱mṛtasya̍ patnī̱mava̍se havāmahe
tu̱vi̱kṣa̱trāma̱jara̍ntīmuru̱cīṃ su̱śarmā̍ṇa̱madi̍tiṃ su̱praṇī̍tim

su̱trāmā̍ṇaṃ pṛthi̱vīṃ dyāma̍ne̱hasa̍ṃ su̱śarmā̍ṇa̱madi̍tiṃ su̱praṇī̍tim
daivīṃ nāva̍ṃ sva̱vitrāmanā̍gaso̱ asra̍vantī̱mā ru̍hemā sva̱staye̍

vāja̍sya nu pra̍sa̱ve mā̱tara̍ṃ ma̱hīmadi̍ti̱ṃ nāma̱ vaca̍sā karāmahe
yasyā̍ u̱pastha̍ u̱rva1̍ntari̍kṣa̱ṃ sā na̱ḥ śarma̍ tri̱varū̍tha̱ṃ ni ya̍cchāt

di̱teḥ pu̱trāṇā̱madi̍terakā̱riṣa̱mava̍ṃ de̱vānā̍ṃ bṛ̱hatā̱manma̍rṇā̱m
teṣā̱ṃ hi dhāma̍ ga̱bhiṣa̱ksa̍mu̱driya̱ṃ nainā̱nnama̍sā pu̱ro a̍sti̱ kaśca̱na

bha̱drāda̱dhi̱ śreya̱ḥ prehi̱ bṛha̱spati̍ḥ pu̱rae̱tā te̍ astu
athe̱mama̱syā vara̱ ā pṛ̍thi̱vyā āreśa̍truṃ kṛṇuhi sarva̍vīram

Linked texts (2)