Pramāṇa · Search · About · API

Angirasi 248

Aṅgirasī 248

Language
Sanskrit

248.1

ṛṣiḥ - medhātithiḥ || devatā - viṣṇuḥ || chandaḥ- 1, 8 triṣṭup; 2 tripadā virāṭ gāyatrī,
3 ṣaṭpadā virāṭ gāyatrī; 4-7 gāyatrī
viṣṇo̱rnu ka̱ṃ pra vo̍caṃ vī̱ryā̍ṇi̱ yaḥ pārthi̍vāni vima̱me rajā̍ṃsi
yo aska̍bhāyu̱dutta̍raṃ sa̱dhastha̍ṃ vicakramā̱ṇastre̱dhoru̍gā̱yaḥ

248.2

pra tadviṣṇu̍ stavate vī̱ryā̍ṇi mṛ̱go na bhī̱maḥ ku̍ca̱ro gi̍ri̱ṣṭhāḥ
pa̱rāvata̱ ā ja̍ga̱myātpa̍ra̱syāḥ

248.3

yasyo̱ruṣu̍ tri̱ṣu vi̱krama̍ṇeṣvadhikṣiya̍nti̱ bhuva̍nāni̱ viśvā̍
u̱ru viṣṇo̱ vi kra̍masvo̱ru kṣayā̍ya naskṛdhi
ghṛ̱taṃ ghṛ̍tayone piba̱ prapra̍ ya̱jñapa̍tiṃ tira

248.4

i̱daṃ viṣṇurvi ca̍krame tre̱dhā ni da̍dhe pa̱dam | samū̍ḍhamasya pāṃsu̱re

248.5

trīṇi̍ pa̱dā vi ca̍krame̱ viṣṇu̍rgo̱pā adā̍bhyaḥ | ito dharmā̍ṇi dhāra̱yan

248.6

viṣṇo̱ḥ karmā̍ṇi paśyata̱ yato̍ vra̱tāni̍ paspṛ̱śe | indra̍sya̱ yujya̱ḥ sakhā̍

248.7

tadviṣṇo̍ḥ para̱maṃ pa̱daṃ sadā̍ paśyanti sū̱raya̍ḥ | di̱vīva̱ cakṣu̱rāta̍tam

248.8

di̱vo vi̍ṣṇa ut vā pṛ̍thi̱vyā ma̱ho vi̍ṣṇa u̱rora̱ntari̍kṣāt
hastau̍ pṛṇasva ba̱hubhi̍rvasa̱vyai̱rāpraya̍ccha̱ dakṣi̍ṇā̱dota sa̱vyāt

Linked texts (3)