Pramāṇa · Search · About · API

Angirasi 274

Aṅgirasī 274

Language
Sanskrit

274.1

ṛṣiḥ- atharvā || devatā - śyenādayo mantroktāḥ || chandaḥ - 1 triṣṭup;
2 atijagatogarbhā jagatī; 3 puraḥ kakummatyanuṣṭup; 4, 5 anuṣṭup
yatkiṃ cā̱sau mana̍sā̱ yacca̍ vā̱cā ya̱jñairjuho̍ti ha̱viṣā̱ yaju̍ṣā
tanmṛ̱tyunā̱ nirṛ̍tiḥ saṃvidā̱nā purā sa̱tyādāhu̍tiṃ hantvasya

274.2

yā̱tu̱dhā̱nā nirṛ̍tirāhu̱ rakṣa̍ste asya̍ ghnantvanṛtena sa̱tyam
indre̍ṣitā de̱vā ā̱jya̍masya mathnāntu̱ mā tatsaṃ pā̍di̱ yada̱sau ju̱hoti̍

274.3

a̱ji̱rādhi̍rājau śye̱nau sa̍ṃpā̱tinā̍viva
ā̱jya̍ṃ pṛ̱tanya̱to ha̍ta̱ṃ yo na̍ḥ ka̱ścābhya̱ghāyati̍

274.4

apā̍ñcau ta u̱bhau bā̱hū api̍ nahyāmyā̱sya̍m
a̱gnerde̱vasya̍ ma̱nyunā̱ tena̍ṃ tevadhiṣaṃ ha̱viḥ

274.5

api̍ nahyāmi te bā̱hū api̍ nahyāmyā̱sya̍m
a̱gnergho̱rasya̍ ma̱nyunā̱ tena̍ṃ tevadhiṣaṃ ha̱viḥ

Linked texts (3)