Angirasi 290

Aṅgirasī 290

indra̍: su̱trāmā̱ svavā̱m̐ avo̍bhiḥ su̱mṛḍī̱ko bha̍vatu vi̱śvave̍dāḥ
bādha̍tā̱ṃ dveṣo̱ abha̍yaṃ naḥ kṛṇotu su̱vīrya̍sya̱ pata̍yaḥ syāma

sa su̱trāmā̱ svavā̍m̐ indro̍ a̱smadārācci̱ddveṣa̍: sanu̱taryu̍yotu
tasya̍ va̱yaṃ su̍ma̱tau ya̱jñiya̱syāpi̍ bha̱dre sau̍mana̱se syā̍ma

indre̍ṇa ma̱nyunā̍ va̱yama̱bhi ṣyā̍ma pṛ̱tanya̱taḥ | ghnanto̍ vṛ̱trāṇyapra̍ti

dhru̱vaṃ dhru̱veṇa̍ ha̱viṣāva̱ soma̍ṃ nayāmasi | yathā̍ na̱ indra̱: keva̍lī̱rviśa̍: sa̱ṃmana̍saska̱rat

uda̍sya̱ śyā̱vau vi̍thu̱rau gṛdhrau̱ dyāmiva̍ petatuḥ | u̱ccho̱cana̱praśo̍canāvu̱syoccho̍canau hṛ̱daḥ

a̱hame̍nāvuda̍tiṣṭhipa̱ṃ gāvau̍ śrānta̱sadā̍viva | ku̱rkurā̍vi̱va kūja̍ntāvu̱dava̍ntau vṛ̱kāvi̍va

ā̱todinau̍ nito̱dināvatho̍ sa̱ṃtodinā̍vu̱ta
api̍ nahyāmyasya̱ meḍhra̱ṃ ya ita̱ strī pumā̱ṃñjabhā̍ra̍

Linked texts (3)