Angirasi 328

Aṅgirasī 328

yo vi̱dyādbrahma̍ pra̱tyakṣa̱ṃ parū̍ṣi̱ yasya̍ sa̱ṃbhārā̱ ṛco̱ yasyā̍nū̱kya̍m

sāmāni̱ yasya̱ lomā̍ni̱ yaju̱rhṛda̍yamucyate̍ paristara̍ṇa̱middha̱viḥ

yadvā ati̍thipa̱tira̍ti̱thīnprati̱paśya̍ti de̱vayaja̍na̱ṃ prekṣa̍te

yada̱bhi̱vada̍ti dī̱kṣāmupai̍ti̱ yadu̍da̱kaṃ yāca̍tya̱paḥ pra ṇa̍yati

yā eva ya̱jña āpa̍: pra̱ṇīya̍nte tā eva tāḥ

yatta̱rpeṇa̱māha̍ra̱nti̱ ya e̱vāgnīṣomīya̍: pa̱śurba̱dhyate̱ sa eva saḥ

yadā̍vasa̱thānka̱lpaya̍nti̱ sado̍havi̱rdhānā̍nye̱va tatka̍lpayanti

yadu̍pastṛ̱ṇanti̍ ba̱rhireva tat

yadu̍pariśaya̱namāha̍ranti sva̱rgame̱va tena̍ lo̱kamava̍ rundhe

yatka̍śipupūba̱rhaṇa̱māha̍ranti̱ pari̍dhaya̍ e̱va te

yadā̍ñjanā̱bhyañja̍na̱māha̍ra̱ntyājya̍me̱va tat

yatpu̱rā pa̍rive̱ṣātvā̱damāha̍ranti puro̱ḍāśā̍veva̱ tau

yada̍śa̱nakṛ̱taṃ hvaya̍nti ha̱viṣkṛ̍tameva taddhva̍yanti

ye vrī̱hayo̱ yavā̍ ni̱ruṣya̍nteṃśava̍ eva te

yānyu̍lūkhalamusa̱lāni̱ grāvā̍ṇa e̱va te

śūrpa̍ṃ pa̱vitra̍ṃ tuṣā̍ ṛjī̱ṣābhiṣa̍vaṇī̱rāpa̍:

srugda̱rvirnekṣa̍ṇama̱āyava̍naṃ droṇakala̱śāḥ kumbhyo̍ vāya̱vyā̍ni
pātrā̍ṇī̱yameva kṛ̱ṣṇāji̍nam

Linked texts (2)