Angirasi 329

Aṅgirasī 329

yaja̍māna̱brāhma̍ṇaṃ vā e̱tadati̍thipa̱tiḥ kuru̍te̱ yadā̍hā̱ryā̍ṇi
prekṣa̍ta i̱daṃ bhūyā̱3 i̱dā3miti̍

yadāha̱ bhūya̱ uddha̍reti̍ prā̱ṇame̱va tena̍ varṣīyā̱ṃsaṃ kuru̍te

upa̍ harati ha̱vīṃṣyā sā̍dayati

teṣā̱māsaṃnnānā̱mati̍thira̱ātmañju̍hoti

srucā̱ haste̍na prā̱ṇe yū̱pe su̱ṅkāre̍ṇa vaṣaṭkā̱reṇa̍

e̱te vai pri̱yāścāpri̍yāśca̱rtvija̍: sva̱rgaṃ lo̱kaṃ ga̍ṃmayanti̱ yadati̍thayaḥ

sa ya evaṃ vi̱dvān dvi̱ṣanna̍śrī̱yānna dvi̍ṣa̱tonna̍maśnī̱yānna
mīmā̍m̐si̱tasya̱ na mīmā̍m̐samānasya

sarvo̱ vā e̱ṣa ja̱gdhapā̍pmā̱ yasyānna̍ma̱śnanti̍

sarvo̱ vā e̱ṣo'ja̍gdhapāpmā̱ yasyānna̱ṃ nāśnanti̍

sarva̍dā vā e̱ṣa yu̱ktagrā̍vārdrapa̱vitro̍ vita̱tādhva̱ra
āhṛ̍tayajñakratu̱rya upa̱hara̍ti

prā̱jā̱pa̱tyo vā e̱tasya̍ ya̱jño vi̍ta̱to ya upa̱hara̍ti

pra̱jāpa̍tervā e̱ṣa vi̍kra̱māna̍nu̱vikra̍mate̱ ya upa̱hara̍ti

yo'ti̍thīnā̱ṃ sa āha̍va̱nīyo̱ yo veśma̍ni̱ sa gārha̍patyo̱
yasmi̱npaca̍nti̱ sa dakṣi̍ṇā̱gniḥ

Linked texts (2)