Angirasi 340
Aṅgirasī 340
- Language
- Sanskrit
340.1
indra̍sya pratha̱mo ratho̍ de̱vānā̍mapa̱ro ratho̱ varu̍ṇasya tṛtīya̱ itaḥ
ahī̍nāmapa̱mā ratha̱ṃ sthāṇu̱mārda̱dharṣa̍ta
340.2
darbha̍: śo̱cista̱rūṇa̍kama̱śva̍sya̱ vāra̍: paruṣa̱sya̱ vāra̍: | ratha̍sya̱ bandhu̍ram
340.3
ava̍ śveta pa̱dā ja̍hi̱ pūrve̍ṇa̱ cāpa̍reṇa ca
u̱ddru̱tami̍va dārda̱hī̍nāma̱rasa̍ṃ vi̱ṣaṃ vā̍ru̱dhram
340.4
ara̍ṅghuṣo ni̱majyonma̍jya puna̍rabravīt
u̱ddru̱tami̍va dārda̱hī̍nāma̱rasa̍ṃ vi̱ṣaṃ vā̍ru̱dhram
340.5
pai̱dvo ha̍nti kasū̱rṇīla̱ṃ pai̱dvaḥ śvi̱tramu̱tāsi̍tam
pai̱dvo ra̍tha̱vyā̍: śira̱: saṃ bi̍bheda pṛdā̱kāḥ
340.6
paidva̱ prehi̍ pratha̱mo'nu̍ tvā vṛya̱mema̍si
ahī̱nvyasyā̍tā̱tpatho yene̍ smā vṛya̱mema̍si
340.7
idaṃ pai̱ddho a̍jāya̱teda̱rmasya̍ pa̱rāya̍ṇam
i̱mānyarva̍taḥ pa̱dāhi̍bhyo vā̱jinī̍vataḥ
340.8
saṃrya̍taṃ na vi ṣpa̍ra̱ddhyāta̍ṃ na saṃ ya̍mat
a̱sminkṣetre̱ dvāva̱hī strī ca̱ pumāṃᳪ̍śca tāvu̱bhāva̍rasā
340.9
a̱rasāsa̍ i̱hāha̍yo̱ ye a̱nti ye ca̍ dū̱rake
gha̱nena̍ hanmi vṛści̱kamahi̍ṃ da̱ṇḍenārgatam
340.10
a̱ghā̱śvasye̱daṃ bhai̍ṣa̱jamu̱bhayo̍ḥ sva̱jasya̍ ca
indro̍ mehi̱maghā̍ya̱ntamahi̍ṃ pai̱dvo a̍randhayat
340.11
pai̱dvasya̍ manmahe va̱yaṃ sthirasya̍ sthi̱radhā̍mnaḥ
i̱me pa̱ścā pṛdā̍kavaḥ pra̱dīdhye̍ta āsate
340.12
na̱ṣṭāso̱ naṣṭa̍viṣā ha̱tā indre̍ṇa va̱jriṇā̍
ja̱ghānendro̍ ja̱ghnimā va̱yam
340.13
ha̱tāsti̍raścirājayo̱ nirpi̍ṣṭāsaḥ pṛdā̍kavaḥ
darvi̍ṃ ka̱rikra̍taṃ śvi̱traṃ darbhe̍ṣvasi̱taṃ ja̍hi
340.14
kai̱rā̱ti̱kā ku̍mā̱ri̱kā sakā kha̍nati bheṣa̱jam
hi̱ra̱ṇyayī̍bhi̱rabhri̍bhirgi̱rīṇā̱mupa̱ sānu̍ṣu
340.15
āya̍magangu̱rvā bhi̱ṣakpṛ̍ści̱hāpa̍rājitaḥ
sa vai sva̱jasya̍ jambha̍na u̱bhayo̍rvṛści̱kasya̍ ca
340.16
indro̍ mehi̍marandhayanmi̱traśca̱ varu̍ṇaśca
vā̱tāpa̱rjanyo̍3 bhā
340.17
indro̍ mehi̍marandhayatpṛdā̍kuṃ ca pṛdā̱kam
sva̱jaṃ ti̱raści̍rā̱jiṃ kasu̍rṇī̱laṃ da̱śona̍sim
340.18
indro̍ jaghāna pratha̱maṃ ja̍ni̱tāra̍mahe̱ tava̍ṃ
teṣā̍mu tuhyamā̍nā̱nāṃ kaḥ svi̍tteṣā̱masa̱drasa̍ḥ
340.19
saṃ hi śī̱rṣāṇyagra̍bhaṃ pau̱ñjiṣṭha̍ iva̱ karva̍ram
sindho̱rmadhye̍ pare̱tya vya̍ni̱jama̱hairviṣam
340.20
ahī̍nā̱ṃ sarve̍ṣāṃ vi̱ṣaṃ parā̍ vahantu sindha̍vaḥ
ha̱tāsti̍ra̱ścirāja̍yo̱ nirpi̍ṣṭāsaḥ pṛdā̍kavaḥ
340.21
oṣa̍dhīnāma̱haṃ vṛ̍ṇa̱ urva̍rīriva sādhuyā
na̱yā̱myarva̍tīri̱vāhaṃ nirai̍tu te viṣa̱m
340.22
yada̱gnau sūrye̍ vi̱ṣaṃ pṛ̍thi̱vyāmoṣa̍dhīṣu̱ yat
kāndā̍vi̱ṣaṃ ka̱naka̱ṃ nirai̍tve̱tu te vi̱ṣam
340.23
ye a̍bdhi̱jā o̍ṣadhi̱jā aha̍nā̱ṃ ye a̍psu̱jā vi̱dyuta̍ āba̱bhūvu̍ḥ
yeṣā̍ṃ jā̱tāni̍ bahu̱dhā ma̱hānti̱ tebhya̍ḥ sa̱rpebhyo̱ nama̍sā vidhema
340.24
taudī̱ nāmā̍si ka̱nyā̍ ghṛ̱tācī̱ nāma̱ vā a̍si
adha̱spade̍na te pa̱dmā da̍de viṣa̱dūṣa̍ṇam
340.25
aṅgā̍daṅgā̱tpra cyā̍vaya̱ hṛda̍ya̱ṃ pari̍ varjaya
adhā̍ vi̱ṣasya̱ yattejo̍rvācī̱naṃ tade̍tu te
340.26
āre abhū̍dvi̱ṣama̍rauddhiṣe viṣama̍prāgarpi
a̱gnirvi̱ṣama̍hernirdadhā̱tsomo̱ nira̍ṇayīt
duṣṭāra̱manve̍gādvi̱ṣamahi̍ramṛ̱ta
340.1-2
indra̍syauja̱ sthendra̍sya̱ saha̍ sthendra̍sya̱ bala̍ṃ sthendra̍sya vī̱rya̍ṃ sthendra̍sya nṛ̱mṇaṃ stha̍
ji̱ṣṇave̱ yogā̍ya brahma̱yogairvo̍ yunajmi
340.2-2
indra̱syauja̍ sthenḏrasya̱ saha̱ sthendra̍sya̱ bala̍ṃ sthenḏrasya vī̱rya̍̍ sthenḏrasya nṛ̱mṇaṃ stha̍
ji̱ṣṇave̍ yogā̍ya kṣatra̱yogai̍rvo yunajmi
340.3-2
indra̱syauja̍ sthenḏrasya̱ saha̱ sthendra̍sya̱ bala̍ṃ sthenḏrasya vī̱rya̍̍ sthenḏrasya nṛ̱mṇaṃ stha̍
ji̱ṣṇave̍ yogā̍yendra̱yogai̍rvo yunajmi
340.4-2
indra̱syauja̍ sthenḏrasya̱ saha̱ sthendra̍sya̱ bala̍ṃ sthenḏrasya vī̱rya̍̍ sthenḏrasya nṛ̱mṇaṃ stha̍
ji̱ṣṇave̍ yogā̍ya soma̱yogai̍rvo yunajmi
340.5-2
indra̱syauja̍ sthenḏrasya̱ saha̱ sthendra̍sya̱ bala̍ṃ sthenḏrasya vī̱rya̍̍ sthenḏrasya nṛ̱mṇaṃ stha̍
ji̱ṣṇave̍ yogā̍yāpsu̱yogai̍rvo yunajmi
340.6-2
indra̱syauja̍ sthenḏrasya̱ saha̱ sthendra̍sya̱ bala̍ṃ sthenḏrasya vī̱rya̍̍ sthenḏrasya nṛ̱mṇaṃ stha̍
ji̱ṣṇave̍ yogā̍ya̱ viśvā̍ni mā bhū̱tānyupa̍ tiṣṭhantu yu̱ktā ma̱ āpa stha
340.7-2
a̱gnerbhā̱ga stha̍ | a̱pāṃ śu̱krama̍āpo de̱vīrvarco̍ a̱smāsu̍ dhatta
pra̱jāpa̍tervo dhā̱mnāsmai̍ lo̱kāya̍ sādaye
340.8-2
indra̍sya bhā̱ga stha̍ | a̱pāṃ śu̱krama̍āpo de̱vīrvarco̍ a̱smāsu̍ dhatta
pra̱jāpa̍tervo dhā̱mnāsmai̍ lo̱kāya̍ sādaye
340.9-2
soma̍sya bhā̱ga stha̍ | a̱pāṃ śu̱krama̍āpo de̱vīrvarco̍ a̱smāsu̍ dhatta
pra̱jāpa̍tervo dhā̱mnāsmai̍ lo̱kāya̍ sādaye
340.10-2
varu̍ṇasya bhā̱ga stha̍ | a̱pāṃ śu̱krama̍āpo de̱vīrvarco̍ a̱smāsu̍ dhatta
pra̱jāpa̍tervo dhā̱mnāsmai̍ lo̱kāya̍ sādaye
340.11-2
mi̱trāvaru̍ṇayorbhā̱ga stha̍ | a̱pāṃ śu̱krama̍āpo de̱vīrvarco̍ a̱smāsu̍ dhatta
pra̱jāpa̍tervo dhā̱mnāsmai̍ lo̱kāya̍ sādaye
340.12-2
ya̱masya̍ bhā̱ga stha̍ | a̱pāṃ śu̱krama̍āpo de̱vīrvarco̍ a̱smāsu̍ dhatta
pra̱jāpa̍tervo dhā̱mnāsmai̍ lo̱kāya̍ sādaye
340.13-2
pi̱tṝṇāṃ bhā̱ga stha̍ | a̱pāṃ śu̱krama̍āpo de̱vīrvarco̍ a̱smāsu̍ dhatta
pra̱jāpa̍tervo dhā̱mnāsmai̍ lo̱kāya̍ sādaye
340.14-2
de̱vasya̍ savi̱turbhā̱ga stha̍ | a̱pāṃ śu̱krama̍āpo de̱vīrvarco̍ a̱smāsu̍ dhatta
pra̱jāpa̍tervo dhā̱mnāsmai̍ lo̱kāya̍ sādaye
340.15-2
yo va̍ āpo̱pāṃ bhā̱go'psu̍'ntarya̍ju̱ṣyo̍ de̱vayaja̍naḥ
i̱daṃ tama̍ti sṛjā̱mi̱ taṃ mābhyava̍nikṣi
tena̱ tama̱bhyati̍sṛjāmo̱ yo1̱̍'smāndveṣṭi̱ yaṃ va̱yaṃ dvi̱ṣmaḥ
taṃ ba̍dheya̱ṃ taṃ stṛ̍ṣīya̱ānena̱ brahma̍ṇā̱nena̱ karma̍ṇā̱nayā̍ me̱nyā
340.16-2
yo va̍ āpopāmū̱rmira̱psva1̍nterya̍ju̱pyoᳲ de̱vayaja̍naḥ
i̱daṃ tama̍ti̍ sṛjā̱mi̱ taṃ mā̱bhyava̍nikṣvi
tena̱ tama̱bhyati̍sṛjāmo̱ yo1̱̍'smāndveṣṭi̱ yaṃ va̱yaṃ dvi̱ṣmaḥ
taṃ ba̍dheya̱ṃ taṃ stṛ̍ṣīya̱ānena̱ brahma̍ṇā̱nena̱ karma̍ṇā̱nayā̍ me̱nyā
340.17-2
yo va̍ āpo̱pāṃ vṛ̱tsmo1̱̍'psva1̍nterya̍ju̱pyoᳲ de̱vayaja̍naḥ
i̱daṃ tama̍ti̍ sṛjā̱mi̱ taṃ mā̱bhyava̍nikṣvi
tena̱ tama̱bhyati̍sṛjāmo̱ yo1̱̍'smāndveṣṭi̱ yaṃ va̱yaṃ dvi̱ṣmaḥ
taṃ ba̍dheya̱ṃ taṃ stṛ̍ṣīya̱ānena̱ brahma̍ṇā̱nena̱ karma̍ṇā̱nayā̍ me̱nyā
340.18-2
yo va̍ āpo̱pāṃ vṛ̱ṣabho1̱̍'psva1̍nterya̍ju̱pyoᳲ de̱vayaja̍naḥ
i̱daṃ tama̍ti̍ sṛjā̱mi̱ taṃ mā̱bhyava̍nikṣvi
tena̱ tama̱bhyati̍sṛjāmo̱ yo1̱̍'smāndveṣṭi̱ yaṃ va̱yaṃ dvi̱ṣmaḥ
taṃ ba̍dheya̱ṃ taṃ stṛ̍ṣīya̱ānena̱ brahma̍ṇā̱nena̱ karma̍ṇā̱nayā̍ me̱nyā
340.19-2
yo va̍ āpo̱pāṃ hira̍ṇyaga̱rbho1̱̍'psva1̍nterya̍ju̱pyoᳲ de̱vayaja̍naḥ
i̱daṃ tama̍ti̍ sṛjā̱mi̱ taṃ mā̱bhyava̍nikṣvi
tena̱ tama̱bhyati̍sṛjāmo̱ yo1̱̍'smāndveṣṭi̱ yaṃ va̱yaṃ dvi̱ṣmaḥ
taṃ ba̍dheya̱ṃ taṃ stṛ̍ṣīya̱ānena̱ brahma̍ṇā̱nena̱ karma̍ṇā̱nayā̍ me̱nyā
340.20-2
yo va̍ āpo̱pāma̱śmā pṛśni̍rddivyo̱'psva1̍nterya̍ju̱pyoᳲ de̱vayaja̍naḥ
i̱daṃ tama̍ti̍ sṛjā̱mi̱ taṃ mā̱bhyava̍nikṣvi
tena̱ tama̱bhyati̍sṛjāmo̱ yo1̱̍'smāndveṣṭi̱ yaṃ va̱yaṃ dvi̱ṣmaḥ
taṃ ba̍dheya̱ṃ taṃ stṛ̍ṣīya̱ānena̱ brahma̍ṇā̱nena̱ karma̍ṇā̱nayā̍ me̱nyā
340.21-2
ye va̍ āpo̱pāma̱śayo̱psva1̍nterya̍ju̱pyāᳲ de̱vayaja̍nāḥ
i̱daṃ tāna̍ti̍ sṛjā̱mi̱ tānmā̱bhyava̍nikṣvi
taistama̱bhyati̍sṛjāmo̱ yo1̱̍'smāndveṣṭi̱ yaṃ va̱yaṃ dvi̱ṣmaḥ
taṃ ba̍dheya̱ṃ taṃ stṛ̍ṣīya̱ānena̱ brahma̍ṇā̱nena̱ karma̍ṇā̱nayā̍ me̱nyā
340.22-2
yada̍rvācī̱naṃ trai̍hāāyaṇāda̱nṛta̱ṃ kiṃ cau̍di̱ma
āpo̱ mā tasmā̱tsarva̍smādduhi̱tātpāntvaṃha̍saḥ
340.23-2
samu̱draṃ va̱ḥ pra hi̍ṇomi svāṃ yoni̱mapī̍tana
ari̍ṣṭāḥ sarva̍hāyaso̱ mā ca̍ na̱ḥ kiṃ ca̱nāma̍mat
340.24-2
ari̍prā ā̱po apa̍ ri̱prama̱smat
prāsmadeno̍ duri̱taṃ su̍pratīkāḥ pra du̱ṣvapnya̱ṃ pra mala̍ṃ vahantu
340.25-2
viṣṇo̱ḥ kramo̍si sapatna̱hā pṛ̍thi̱vīsa̍ṃśito̱'gniteṃjāḥ
pṛ̱thi̱vīmanu̱ vi kra̍me̱'haṃ pṛ̍thi̱vyāstaṃ nirbha̍jāmo̱ yo'̱smāndveṣṭi̱ yaṃ va̱yaṃ dvi̱ṣmaḥ
sa mā jīvī̱taṃ prā̱ṇo ja̍hātu
340.26-2
viṣṇo̱ḥ kramo̍si sapatnahāntari̍kṣasaṃśito vā̱yute̍jāḥ
a̱ntari̍kṣama̱nu vi kra̍me̱'hama̱ntari̍kṣā̱ttaṃ nirbha̍jāmo̱ yo'̱smāndveṣṭi̱ yaṃ va̱yaṃ dvi̱ṣmaḥ
sa mā jīvī̱taṃ prā̱ṇo ja̍hātu
340.27
viṣṇo̱ḥ kramo̍si sapatna̱hā dyausa̍ṃśita̱ḥ sūrya̍tejāḥ
diva̱manu̱ vi kra̍me̱'haṃ di̱vastaṃ nirbha̍jāmo̱ yo'̱smāndveṣṭi̱ yaṃ va̱yaṃ dvi̱ṣmaḥ
sa mā jīvī̱taṃ prā̱ṇo ja̍hātu
340.28
viṣṇo̱ḥ kramo̍si sapatna̱hā di̱ksaṃśi̍to̱ mana̍stejāḥ
diśo̱nu vi kra̍me̱'haṃ di̱gbhyastaṃ nirbha̍jāmo̱ yo'̱smāndveṣṭi̱ yaṃ va̱yaṃ dvi̱ṣmaḥ
sa mā jīvī̱taṃ prā̱ṇo ja̍hātu
340.29
viṣṇo̱ḥ kramo̍si sapatna̱hāśāsa̍ṃśito̱ vāta̍tejāḥ
āśā̱ anu̱ vi kra̍me̱hamā̱śābhya̱staṃ nirbha̍jāmo̱ yo'̱smāndveṣṭi̱ yaṃ va̱yaṃ dvi̱ṣmaḥ
sa mā jīvī̱taṃ prā̱ṇo ja̍hātu
340.30
viṣṇo̱ḥ kramo̍si sapatnaha ṛ̱ksaṃśi̍ta̱ḥ sāma̍tejāḥ
ṛco̱nu vi kra̍me̱ha̱mṛgbhya̱staṃ nirbha̍jāmo̱ yo'̱smāndveṣṭi̱ yaṃ va̱yaṃ dvi̱ṣmaḥ
sa mā jīvī̱taṃ prā̱ṇo ja̍hātu
340.31
viṣṇo̱ḥ kramo̍si sapatna̱hā ya̱jñasa̍ṃśito̱ brahma̍tejāḥ
ya̱jñamanu̱ vi kra̍me̱haṃ ya̱jñāttaṃ nirbha̍jāmo̱ yo'̱smāndveṣṭi̱ yaṃ va̱yaṃ dvi̱ṣmaḥ
sa mā jīvī̱taṃ prā̱ṇo ja̍hātu
340.32
viṣṇo̱ḥ kramo̍si sapatna̱hauṣa̍dhīsaṃśita̱ḥ soma̍tejāḥ
oṣa̍dhī̱ranu vi kra̍me̱hamoṣa̍dhībhya̱staṃ nirbha̍jāmo̱ yo'̱smāndveṣṭi̱ yaṃ va̱yaṃ dvi̱ṣmaḥ
sa mā jīvī̱taṃ prā̱ṇo ja̍hātu
340.33
viṣṇo̱ḥ kramo̍si sapatna̱hāpsusaṃśito varu̍ṇatejāḥ
apo̍nu̱ vi kra̍me̱hama̱dbyastaṃ nirbha̍jāmo̱ yo1̱̍'smāndveṣṭi̱ yaṃ va̱yaṃ dvi̱ṣmaḥ
sa mā jī̱vīttaṃ prā̱ṇo ja̍hātu
340.34
viṣṇo̱ḥ kramo̍si sapatna̱hā kṛ̱ṣisa̍śitonna̍tejāḥ
kṛ̱ṣimanu̱ vi kra̍me̱haṃ kṛ̱ṣyāstaṃ nirbha̍jāmo̱ yo1̱̍'smāndveṣṭi̱ yaṃ va̱yaṃ dvi̱ṣmaḥ
sa mā jī̱vīttaṃ prā̱ṇo ja̍hātu
340.35
viṣṇo̱ḥ kramo̍si sapatna̱hā prā̱ṇasaṃśitaḥ puru̍ṣatejāḥ
prā̱ṇamanu̱ vi kra̍me̱haṃ prā̱ṇāttaṃ nirbha̍jāmo̱ yo1̱̍'smāndveṣṭi̱ yaṃ va̱yaṃ dvi̱ṣmaḥ
sa mā jī̱vīttaṃ prā̱ṇo ja̍hātu
340.36
jitama̱smāka̱mudbhi̍nnama̱smāka̱mabhya̍ṣṭhā̱ṃ viśvā̱ḥ pṛta̍nā̱ arā̍tīḥ
i̱damaha̍māmuṣyāya̱ṇasyā̍muṣyāḥ pu̱trasya̱ varca̱steja̍ḥ prā̱ṇamāyu̱rni
ve̍ṣṭyāmya̱damena̍ma̱dharā̱ñcaṃ pā̍dayāmi
340.37
sūrya̍syā̱vṛta̱manvā̍varte̱ dakṣi̍ṇāma̱nvāvṛtam
sā me̱ dravi̍ṇa̱ṃ yaccha̍tu̱ sā me̍ brahmavarca̱sam
340.38
diśo̍ jyoti̱ṣmatī̍ra̱bhyāva̍rte | tā me̱ dravi̍ṇa̱ṃ yaccha̍ntu̱ tā me̍ brahmavarca̱sam
340.39
sa̱ptaṛṣī̍na̱bhyāva̍rte | te me̱ dravi̍ṇa̱ṃ yaccha̍ntu̱ te me̍ brahmavarca̱sam
340.40
brahmā̱bhyāva̍rte | tanme̱ dravi̍ṇa̱ṃ yaccha̍tu̱ tanme̍ brahmavarca̱sam
340.41
brāhma̱ṇām̐ a̱bhyāva̍rte | te me̱ dravi̍ṇa̱ṃ yaccha̍ntu̱ te me̍ brahmavarca̱sam
340.42
yaṃ va̱yaṃ mṛ̱gayā̍mahe̱ taṃ vṛ̱dhai stṛ̍ṇavāmahai | vyāttai̍ parame̱ṣṭhino̱ brahma̍ṇāparpi̱dām tam
340.43
vai̱śvā̱na̱rasya̱ daṃṣṭrā̍bhyā̱ṃ heti̍sta̱ṃ sama̍dhādu̱bhi
i̱yaṃ taṃ psā̱tsvāhu̍tiḥ sami̱ddhevī sahī̍yasī
340.44
rājño̱ varu̍ṇasya̱ bandho̱'si̍ | so1̱̍'mumā̍muṣyāya̱ṇama̍muṣyāḥ pu̱tramanne̍ prā̱ṇe ba̍dhāna
340.45
yatte̱ anna̍ṃ bhuvaspata ā̱śviya̍tiṃ pṛthi̱vīmanu̍
tasya̍ ndastvaṃ bhuvaspate̱ saṃpraya̍ccha prajāpate
340.46
a̱po di̱vyā a̍cāyiṣa̱ṃ rase̍na̱ sama̍pṛkṣmahi
paya̍svānagna̱ āga̍ma̱ṃ taṃ mā̱ saṃ sṛ̍ja̱ varca̍sā
340.47
saṃ mā̍gne̱ varca̍sā sṛja̱ saṃ pra̱jayā̱ samāyu̍ṣā
vi̱dyurme̍ asya de̱vā indro̍ vidyātsa̱ha ṛrṣibhiḥ
340.48
yada̱gne a̱dya mithu̍nā śapā̍to̱ yadvāca̍stṛ̱ṣṭaṃ ja̱naya̍nta re̱bhāḥ
ma̱nyormana̍saḥ śa̱ravyā̍ 3 jāya̍te̱ yā tayo̍ vidhya hṛda̍ye yātu̱dhānā̍n
340.49
parā̍ śṛṇīhi tapa̍sā yātu̱dhānā̱nparāgne̱ rakṣo̱ hara̍sā śṛṇīhi
pa̱rāci̍ṣā mū̱rade̍vāñchṛṇīhi parā̍sutṛpaḥ śośu̍cataḥ śṛṇīhi
340.50
a̱pāma̍smai̱ vajra̱ṃ pra ha̍rāmi caturbhṛṣṭiṃ śī̱rṣṇāmi̍dyāya vi̱dvān
so a̱syāṅgāni̱ pra śṛ̍ṇātu̱ sarvā̱ tanme̍ de̱vā anu̍ jānantu̱ viśve̍
Linked texts (2)
- Atharvaveda — Sanskrit
- Śaunakasaṃhitā — Sanskrit