Angirasi 351
Aṅgirasī 351
- Language
- Sanskrit
351.1
ye bā̱havo̱ yā iṣa̍vo̱ dhanva̍nāṃ vī̱ryā̍ṇi ca | asī̍npa̱raśū̱nāyu̍dhaṃ ci̱ttākū̍taṃ ca̱ yaddhṛ̱di
sarva̱ṃ tadarbu̍de̱ tvama̱mitrai̍bhyo dṛ̱śe ku̍rudā̱rā̍śca pra darśa̍ya
351.2
utti̍ṣṭhata̱ saṃ na̍hyadhva̱ṃ mitrā̍ devajanā yū̱yam | saṃdṛ̍ṣṭā gu̱ptā va̍ḥ santu̱ yā nau̍ mi̱trāṇrya̍rbude
351.3
utti̍ṣṭhata̱mā ra̍bhethāmādānasaṃdānyā̱bhyā̍m | a̱mitrā̍ṇā̱ṃ senā̍ a̱bhi dha̍ttamarbude
351.4
arbu̍di̱rnāma̱ yo deva īśā̍naśca̱ nya̍rbudiḥ | yābhyā̍ma̱ntari̍kṣamā̱vṛta̍mi̱yaṃ ca̍ pṛthi̱vī ma̱hī
tābhyā̍mindramedi̱bhyāmahaṃ ji̱tamanvai̍mi̱ sena̍yā
351.5
utti̍ṣṭha̱ tvaṃ de̍vajunā̱rbude̱ sena̍yā sa̱ha | bha̱ñjanna̱mitrā̍ṇā̱ṃ senā̱ṃ bhoge̍bhi̱ḥ pari̍ vāraya
351.6
sa̱pta jātā̱nya̍rbuda uddārāṇā̍ṃ samī̱kṣaya̍n | tebhi̍ṣṭa̱mājye̍ hu̱te sarvai̱rutti̍ṣṭha̱ sena̍yā
351.7
prati̱ghnānā̍śru̍mukhī krudhukarṇī ca̍ krośatu | vi̱ke̱śī puru̍ṣe ha̱te ra̍di̱te a̍rbude̱ tava̍
351.8
sa̱ṃkarṣa̍ntī kurū̍karaṃ mana̍sā pu̱trami̱cchantī̍ | pati̱ṃ bhrāta̍ra̱mātsvādra̍di̱te a̍rbude̱ tava̍
351.9
a̱li̱klavā jā̱ṣkama̱dā gṛdhrā̍ḥ śye̱nāḥ pa̍ta̱triṇa̍:
dhvāṅkṣā̍ḥ śakuna̍yastṛpyantva̱mitre̍ṣu samī̱kṣaya̍dradi̱te a̍rbude̱ tava̍
351.10
atho̱ sarva̱ṃ śvāpa̍daṃ makṣi̍kā tṛpyatu krimi̍: | pauru̍ṣeye̱dhi ku̱ṇape ra̍di̱te a̍rbude̱ tava̍
351.11
ā gṛ̍hī̱taṃ saṃ bṛ̍hataṃ prāṇāpā̱nāhvya̍rbude
ni̱vā̱śā gho̱ṣāḥ saṃ ya̍ntva̱mitre̍ṣu samī̱kṣaya̍nnadi̱te a̍rbude̱ tava̍
351.12
udve̍paya̱ saṃ vi̍jantāṃ bhi̱yāmitrā̱ntsaṃ sṛ̍ja | u̱rugrā̱hairbā̍hu̱ṅkairvi̍dhya̱mitrā̱nahvya̍rbude
351.13
muhya̍ntveṣāṃ bā̱hava̍ścittākū̱taṃ ca̱ yaddhṛdi̍ | maiṣā̱mucche̍ṣi̱ kiṃ ca̱na ra̍di̱te a̍rbude̱ tava̍
351.14
prati̱ghnā̱nāḥ saṃ dhā̍vantūra̍ḥ paṭau̱rāvā̍ghnā̱nāḥ
a̱ghā̱riṇī̍rvi̱ke̱śyo̍ ruda̱tya̍ḥ puru̍ṣe ha̱te ra̍di̱te a̍rbude̱ tava̍
351.15
śva̱nvitī̍rapsa̱raso̍ rū̱rpakā u̱tārbu̍de
a̱ntaḥpā̱tre re̍rihatīṃ ri̱śāṃ durṇihi̍taiṣiṇī̱m
sarvā̍stā a̍rbude̱ tvama̱mitre̍bhyo dṛ̱śe ku̍rū̱dārā̍ṃśca pra darśaya
351.16
kha̱ṅgairaidhi̍caṅkramāṃ kharvi̍kāṃ kharvavā̱sinī̍m
ya u̍dā̱rā a̱ntarhi̍tā gandharvāpsa̱rasa̍śca̱ ye | sarpā̱ itara̍janā ra̱kṣām̐si̍
351.17
catu̍rdaṃṣṭrāñchavā̱vada̍taḥ kumbhamu̱ṣkām̐ a̍sṛ̍ṅmukhān | sva̱bhyasā̱ ye cau̱ddhya̱sāḥ
351.18
udve̍paya̱ tvama̍rbude̱mitrā̍ṇāma̱mūḥ sica̍: | jayā̍m̐śca ji̱ṣṇuścā̱mitrā̍m̐ jaya̍tā̱mindra̍medinau
351.19
prablī̍no mṛdita̱ḥ śayā̍ṃ ha̱to'mitrā̍m̐ nyarbude
a̱gniji̍hvā dhū̱maśi̍khā jaya̍ntīryantu sena̍yā
351.20
tayā̍rbude praṇu̱ttānā̱mindro̍ hantu vara̍ṃvaram
a̱mitrā̍ṇāṃ śacī̱pati̱rmāmīṣā̱ṃ moci̱ kaśca̱na
351.21
utka̍santu hṛda̍yānyū̱rdhvaḥ prā̱ṇa udī̍ṣatu
śau̱ṣkāsya̱manu̍ vartatā̱mamitrā̱nmota mi̱triṇa̍:
351.22
ye ca̱ dhīrā̱ ye cādhī̍rāḥ parā̍ñco̱ badhi̍rāśca̱ ye
tama̍sā̱ ye ca̱ tūpa̍rā̱ atho̍ bastābhivā̱sina̍:
sarvā̱m̐stām̐ a̍rbude̱ tvama̱mitre̍bhyo dṛ̱śe ku̍rū̱dārā̍ṃśca pra̱darśa̍ya
351.23
arbudiśca triṣandhiścāmitrā̍nno vi vidhyatām
yathai̍ṣāmindra vṛtrahanhanā̍ma śacīpate̱mitrā̍ṇāṃ sahasra̱śaḥ
351.24
vana̱spatī̍nvānaspa̱tyānoṣa̍dhīruta vī̱rudha̍ḥ
ga̱ndha̱rvāpsara̍saḥ sa̱rpānde̱vānpu̍ṇya̱janānpi̱tṝn
sarvā̱ṃstām̐ a̍rbude̱ tvama̱mitre̍bhyo dṛ̱śe ku̍rūdā̱rām̐śca̍ pra̱darśa̍ya
351.25
īśā̍ṃ vo ma̱ruto̍ de̱va ādi̱tyo brahma̍ṇa̱spati̍ḥ
īśā̍ṃ va̱ indra̍ścā̱gniśca̍ dhā̱tā mi̱traḥ pra̱jāpa̍tiḥ
īśā̍ṃ va̱ ṛṣa̍yaścākrura̱mitre̍ṣu samī̱kṣaya̍nnadite̱ arbu̍de̱ tve
351.26
teṣā̱ṃ sarve̍ṣāmīśā̱nā utti̍ṣṭhata̱ saṃ na̍hyadhva̱ṃ mitrā̍ deva̍janā yū̱yam
i̱maṃ sa̱ṃgrāma̍ṃ sa̱ṃjitya̍ yathālo̱kaṃ vi ti̍ṣṭhadhvam
Linked texts (1)
- Atharvaveda — Sanskrit