Angirasi 363

Aṅgirasī 363

(4)
sa sa̍ṃvatsa̱ramūrdhvo̍'tiṣṭha̱t devā abruva̱nvrātya̱ kiṃ nu ti̍ṣṭha̱sīti̍

so̍'bravīdā̱sandī̍ṃ me̱ saṃ bhara̍ntvi̱ti

tasmai̱ vrātyā̍yā̱sandī̱ṃ sama̍bharan

tasyā̍ grī̱ṣmaśca̍ vasa̱ntaśca̍ dvau pādā̱vāstā̍ṃ śa̱racca̍ va̱rṣāśca̍ dvau

bṛ̱hacca̍ rathaṃta̱raṃ cānū̍cye̱3 āstā̍ṃ ya̱jñāya̱jñiya̍ṃ ca vāmade̱vyaṃ ca̍ tira̱ścye̱3

ṛca̍ḥ prā̱ñcastanta̍vo̱ yajū̍ṃṣi ti̱ryañca̍ḥ

veda̍ āsta̱raṇa̱ṃ brahmopabarha̍ṇam

sāmā̍sā̱da u̱dgītho̍'piśra̱yaḥ

tāmā̍sa̱ndīṃ vrātya̱ āro̍hat

tasya̍ de̱va̱janāḥ pa̍riṣka̱ndā ā̍saṃtsaṃka̱lpāḥ pra̍hāyyā3̱ viśvā̍ni bhū̱tānyu̍pa̱sada̍ḥ

viśvā̍nye̱vāsya̍ bhū̱tānyu̍pa̱sado̍ bhavanti̱ ya e̱vaṃ veda̍

Linked texts (3)