Pramāṇa · Search · About · API

Angirasi 366

Aṅgirasī 366

Language
Sanskrit

366.1

(7)
sa dhru̱vāṃ diśa̱manu̱ vya̍calat

366.2

taṃ bhūmi̍ścā̱gniścauṣa̍dhayaśca̱ vana̱spata̍yaśca vānaspa̱tyāśca̍ vī̱rudha̍ścānu̱vya̍calan

366.3

bhūme̍śca̱ vai so̱'gneścauṣa̍dhīnāṃ ca̱ vana̱spatī̍nāṃ ca vānaspa̱tyānā̍ṃ
ca vī̱rudhā̍ṃ ca pri̱yaṃ dhāma̍ bhavati̱ ya e̱vaṃ veda̍

366.4

(1)
sa ū̱rdhvāṃ diśa̱manu̱ vya̍calat

366.5

tamṛ̱taṃ ca̍ sa̱tyaṃ ca̱ sūrya̍śca ca̱ndraśca̱ nakṣa̍trāṇi cānu̱vya̍calan

366.6

ṛ̱tasya̍ ca̱ vai sa sa̱tyasya̍ ca̱ sūrya̍sya ca ca̱ndrasya̍ ca̱
nakṣa̍trāṇāṃ ca pri̱yaṃ dhāma̍ bhavati̱ ya e̱vaṃ veda̍

366.7

(2)
sa utta̍māṃ diśa̱manu̱ vya̍calat

366.8

tamṛca̍śca̱ sāmā̍ni ca̱ yajū̍ṃṣi ca̱ brahma̍ cānu̱vya̍calan

366.9

ṛcā̍ṃ ca̱ vai sa sāmnā̍ṃ ca̱ yaju̍ṣāṃ ca̱ brahma̍ṇaśca pri̱yaṃ dhāma̍ bhavati̱ ya e̱vaṃ veda̍

366.10

(3)
sa bṛ̍ha̱tīṃ diśa̱manu̱vya̍calat

366.11

tamiti̍hāsaśca purā̱ṇaṃ ca̍ gā̱thāśca̍ nārā̱śaṃsī̍ścānu̱vya̍calan

366.12

i̱ti̱hā̱sasya̍ ca̱ vai sa pu̍rā̱ṇasya̍ ca gā̱thānā̍ṃ ca nārā̱śaṃsī̍nāṃ ca
pri̱yaṃ dhāma̍ bhavati̱ ya e̱vaṃ veda̍

366.13

(4)
sa pa̍ra̱māṃ diśa̱manu̱ vya̍calat

366.14

tamā̍hava̱nīya̍śca gārha̍patyaśca dakṣiṇā̱gniśca̍ ya̱jñaśca̍ yaja̍mānaśca pa̱śava̍ścānuvya̍calan

366.15

ā̱ha̱va̱nīya̍sya ca̱ vai sa gārha̍patyasya ca dakṣiṇā̱gneśca̍ ya̱jñasya̍ ca
yaja̍mānasya ca paśū̱nāṃ ca̍ pri̱yaṃ dhāma̍ bhavati̱ ya e̱vaṃ veda̍

366.16

(5)
sonā̍diṣṭāṃ diśa̱manu̱ vya̍calat

366.17

tamṛ̱tava̍ścārta̱vāśca̍ lo̱kāśca̍ lau̱kyāśca̍ māsā̍ścārdhamā̱sāścā̍horā̱tre cā̍nu̱vya̍calan

366.18

ṛ̱tūnā̍ṃ ca̱ vai sa ā̍rta̱vānā̍ṃ ca lo̱kānā̍ṃ ca lau̱kyānā̍ṃ ca māsā̍nāṃ
cārdhamā̱sānā̍ṃ cāhorā̱trayo̍śca pri̱yaṃ dhāma̍ bhavati̱ ya e̱vaṃ veda̍

366.19

(6)
sonā̍vṛttāṃ diśa̱manu̱ vya̍calattato̱ nāva̍rtsya̱nmenmanyata

366.20

taṃ diti̍ścādi̍tiśceḍā cendrāṇī cā̍nu̱vya̍calan

366.21

dite̍śca̱ vai sodi̍teśceḍāyāścendra‍āṇyāśca̍ pri̱yaṃ dhāma̍ bhavati̱ ya e̱vaṃ veda̍

366.22

(7)
sa diśo̱nu vya̍cala̱taṃ virāḍanu̱ vya̍cala̱tsarve̍ ca de̱vāḥ sarvā̍śca de̱vatā̍ḥ

366.23

vi̱rāja̍śca̱ vai sa sarve̍ṣāṃ ca de̱vānā̱ṃ sarvā̍sāṃ ca de̱vatā̍nāṃ pri̱yaṃ dhāma̍ bhavati̱ ya e̱vaṃ veda̍

366.24

(8)
sa sarvā̍nta̱rdeśā̱nanu̱ vya̍calat

366.25

taṃ pra̱jāpa̍tiśca parame̱ṣṭhī ca̍ pi̱tā ca̍ pitāma̱haścānuvya̍calan

366.26

pra̱jāpa̍teśca̱ vai sa para̍me̱ṣṭhina̍śca pi̱tuśca̍ pitāma̱hasya̍
ca pri̱yaṃ dhāma̍ bhavati̱ ya e̱vaṃ veda̍

366.7-2

(6)

Linked texts (4)