Angirasi 368

Aṅgirasī 368

atharvā || devatā-adhyātmam, vrātyaḥ || chandaḥ-1 sāmyuṣṇik;
2 prājāpatyā'nuṣṭup; 3 ārca paṅktiḥ
so̍rajyata̱ tato̱ rāja̱nyo̍jāyata

sa viśaḥ sabandhūnannamannādyamabhyudatiṣṭhat

viśāṃ ca̱ vai sa sabandhūnāṃ cānna̍sya̱ cānnādya̍sya ca pri̱yaṃ dhāma̍ bhavati̱ ya e̱vaṃ veda̍

sa viśo̍nu̱ vyaca̍lat

taṃ sabhā ca̱ sami̍tiśca̱ senā̍ ca̱ surā̍ cānuvya̍calan

sa̱bhāyā̍śca̱ vai sa sami̍teśca̱ senā̍yāśca surā̍yāśca pri̱yaṃ dhāma̍ bhavati̱ ya e̱vaṃ veda̍

tadya̱syai̱vaṃ vi̱dvānvrātyo̱ rājñoti̍thirgṛ̱hānā̱gacche̍t

śreyā̍ṃsamenamā̱tmano̍ mānayettathā̍ kṣa̱trāya̱ nā vṛ̍ścate̱ tathā̍ rā̱ṣṭrāya̱ nā vṛ̍ścate

ato̱ vai brahma̍ ca kṣa̱traṃ coda̍tiṣṭhatāṃ te abrūtāṃ kaṃ pra vi̍śāveti̍

ato̱ vai bṛha̱spati̍meva̱ brahma̱ prā vi̍śa̱tvindra̍ṃ kṣa̱traṃ tathā̍ vā̱ iti̍

ato̱ vai bṛha̱spati̍meva̱ brahma̱ prāvi̍śa̱dindra̍ṃ kṣa̱tram

i̱yaṃ vā u̍ pṛthi̱vī bṛha̱spati̱ryauravendra̍ḥ

a̱yaṃ vā u̍ a̱gnirbrahmāsāvā̍di̱tyaḥ kṣa̱tram

aina̱ṃ brahma̍ gacchati brahmavarca̱sī bha̍vati

yaḥ pṛ̍thi̱vīṃ bṛha̱spati̍ma̱gniṃ brahma̍ ved

aina̍mindri̱yaṃ ga̍cchatīndriya̱vānbha̍vati

ya ā̍di̱tyaṃ kṣa̱traṃ diva̱mindra̍ṃ ved

Linked texts (3)