Pramāṇa · Search · About · API

Angirasi 369

Aṅgirasī 369

Language
Sanskrit

369.1

tadya̱syai̱vaṃ vi̱dvānvrātyoti̍thirgṛ̱hānā̱gacche̍t

369.2

sva̱yame̍nama̱bhyudetya̍ brūyādvrātya̱ kvā̍'vātsī̱rvrātyoda̍kaṃ vrātya̍ ta̱rpaya̍ntu vrātya̱ yathā̍ te pri̱yaṃ
tathā̍stu vrātya̱ yathā̍ te̱ vaśa̍stathā̍stu vrātya̱ yathā̍ te nikāmastathā̍stviti̍

369.3

yadèna̱māha̱ vrātya̱ kvā̍'vātsī̱riti̍ pṛ̱tha e̱va tena̍ṃ de̱vayānā̱narva̍ rundhe

369.4

yadèna̱māha̱ vrātyoda̍kamitya̱pa e̱va tenāva̍ rundhe

369.5

yadèna̱māha̱ vrātya̱ ta̱rpaya̍ntviti̍ prā̱ṇame̱va tena̱ varṣī̍yāṃsaṃ kurute

369.6

yadaina̱māhu̱ vrātya̱ yathā̍ te pri̱yaṃ tathā̍stvati̍ pri̱yame̱va tenāva̍ rundhe

369.7

aina̍ pri̱yaṃ ga̍cchati pri̱yaḥ pri̱yasya̍ bhavati̱ ya e̱vaṃ veda̍

369.8

(1)
yadaina̱māhu̱ vrātya̱ yathā̍ te̱ vaśa̍stathā̍stvati̱ vaśa̍me̱va tenāva̍ rundhe

369.9

aina̍ vaśo̍ gacchati va̱śī va̱śinā̍m̐ bhavati̱ ya e̱vaṃ veda̍

369.10

(2)
yadaina̱māhu̱ vrātya̱ yathā̍ te nikā̱mastathā̍stvati̍ nikā̱mame̱va tenāva̍ rundhe

369.11

aina̍ nikā̱mo ga̍cchati nikā̱me ni̍kā̱masya̍ bhavati̱ ya e̱vaṃ veda̍

Linked texts (2)