Angirasi 370

Aṅgirasī 370

(3)
tadyasyai̱vaṃ vi̱dvānvrātya̍ u̱ddhṛte̱ṣvagniṣvadhi̍śrite'gniho̱tre'ti̍thirgṛ̱hānā̱gacche̍t

sva̱yame̍nama̱bhyudetya̍ brūyā̱dvrātyāti̍ sṛja ho̱ṣyāmīti̍

sa cāti̍sṛ̱jejju̍huyā̱nna cāti̍sṛ̱jenna ju̍huyāt

sa ya e̱vaṃ vi̱duṣā̱ vrātye̍nātisṛṣṭo ju̱hoti̍

pra pi̍tṛyā̱ṇaṃ panthā̍ṃ jānāti̱ pra de̍vayā̱nam

na de̱veṣvā vṛ̍ścyate hu̱tama̍sya bhavati

parya̍syā̱smim̐lloka ā̱yata̍naṃ śiṣyate̱ ya e̱vaṃ vi̱duṣā̱ vrātye̍nātisṛṣṭo ju̱hoti̍

atha̱ ya e̱vaṃ vi̱duṣā̱ vrātye̱nāna̍tisṛṣṭo ju̱hoti̍

na pi̍tṛyā̱ṇaṃ panthā̍ṃ jānāti̱ na de̍vayā̱nam

ā de̱veṣu̍ vṛścyate ahū̱tama̍sya bhavati

nāsyā̱smim̐lloka ā̱yata̍naṃ śiṣyate̱ ya e̱vaṃ vi̱duṣā̱ vrātye̱nāna̍tisṛṣṭo ju̱hoti̍

Linked texts (3)