Pramāṇa · Search · About · API

Angirasi 386

Aṅgirasī 386

Language
Sanskrit

386.1

o ci̱tsakhyā̍yaṃ sa̱khyā va̍vṛttyāṃ tiraḥ puru cida̱rṇavaṃ jaga̍nvān
pi̱turnapā̍ta̱mā da̍dhīta ve̱dhā adhi̍ kṣa̱mi pra̱taraṃ dīdhyā̍naḥ

386.2

na te̱ sakhā̍ sa̱khyaṃ va̍ṣṭye̱tatsala̍kṣmā yadviṣurūpa̱ā bhavā̍ti
ma̱haspu̱trāso̱ asu̍rasya vī̱rā di̱vo dha̱rtāra̍ u̱rviyā pari̍ khyan

386.3

u̱śanti̍ ghā̱ te a̱mṛtā̍sa e̱tadeka̍sya ci̱tyaja̍saṃ martya̍sya
ni te̱ mano̱ marna̍si dhāyya̱sme janyuḥ pati̍sta̱nva1̱̍mā vi̍viśyāḥ

386.4

na yatpurā ca̍kṛ̱mā kaddha̍ nū̱namṛ̱taṃ vada̍nto̱ anṛ̍taṃ rapema
ga̱ndha̱rvo a̱psvāpyā̍ ca̱ yoṣā̱ sā nau̱ nābhi̍ḥ para̱maṃ jā̱mi tannau̍

386.5

garbhe̱ nu nau̍ jani̱tā daṃpa̍tī kadde̱vastvaṣṭā̍ savi̱tā vi̱śvarū̍paḥ
naki̍rasya̱ pra mi̍nanti vra̱tāni̱ veda̍ nāvasya pṛ̍thi̱vī u̱ta dyauḥ

386.6

ko a̱dya yu̍ṅkte dhuri gā ṛ̱tasya̱ śimī̍vato bhā̱mino̍ durhṛṇā̱yūna̍
ā̱sa̱nniṣū̍nhṛtsravaso̍ mayo̱bhūnya e̍ṣāṃ bhṛtyā̱mṛṇadha̱tsa jī̍vāt

386.7

ko a̱sya ve̍da pratha̱masyāhna̱ḥ ka ī̍ṃ dadarśa̱ ka i̱ha pra vo̍cat
bṛ̱hanmi̱trasya̱ varu̍ṇasya dhā̱ma kadu̍ brava āhano̱ vīcyā̱ nṝn

386.8

ya̱masya̍ mā ya̱myaṃ1̱̍ kāma̱ āga̍ntsamāne̱ yonau̍ saha̱śeyyā̍ya
jā̱yeva̱ patye̍ ta̱nva̍ṃ riricyā̱ṃ vi ci̍dvṛheva̱ rathye̍va ca̱krā

386.9

na ti̱ṣṭhanti̱ na ni mi̍ṣantye̱te de̱vānā̱ṃ spaśa̍ i̱ha ye cara̍nti
a̱nyeṉ madrā̍hano yāhi̱ tūrṇa̱ṃ tena̱ vi vṛ̍ha̱ rathye̍va ca̱krā

386.10

rātrī̍bhirasmā̱ aha̍bhirdaśasye̱tsūrya̍sya̱ cakṣu̱rmuhu̱runmi̍mīyāt
di̱vā pṛ̍thi̱vyā mi̍thu̱nā saba̍ndhū ya̱mīrya̱masya̍ bibhṛyāda̱jāmi̍

386.11

(1)
ā ghā̱ tā ga̍cchā̱nutta̍rā yu̱gāni̱ yatra̍ jā̱maya̍: kṛ̱ṇvannajā̍mi
upa̍ babṛhi vṛṣa̱bhāya̍ bā̱huma̱nyami̍cchasva subhage̱ pati̍ ma̱t

386.12

kiṃ bhrātā̍sada̱nāthā̱ṃ bhavā̍ti̱ kimu̱ svasā̱ yanniṛ̍ti̱rniga̍cchāt
kāma̍mūtā ba̱hve1̱̍tadra̍pāmi ta̱nvā1̱̍ me ta̱nva̱ṃ3̱̍ saṃ pi̍pṛgdhi

386.13

na vai te̍ gā̱thaṃ ya̱mya1̱̍trāha̍ma̱smi na te̍ ta̱naṃ ta̱nvā3̱̍ saṃ pa̍pṛcyām
a̱nyena̱ mada̱pramuda̍: kalpayasva̱ na te̱ bhrātā̍ subhage vaṣṭye̱tat

386.14

na vā u̍ te ta̱nuṃ ta̱nvā3̱̍ saṃ pa̍pṛcyāṃ pā̱pamā̍hu̱ryaḥ svasā̍raṃ ni̱gacchā̍t
a̱nyaide̱tanma̍nasā̱ hṛdo̱ me bhrātā̱ mma̱suḥ śaya̍ne̱ yaccha̍rī̱ya

386.15

ba̱to ba̍tāsi yama̱ naiva te̱ mano̱ hṛda̍yaṃ cāvi̱dāma
a̱nyā kila̍ tvāṃ ka̱kṣye̍va yu̱ktaṃ pari̍ ṣvajāte̱ libu̍jeva vṛ̱kṣam

386.16

a̱nya mū ṣu ya̍mya̱nya u̱ tvāṃ pari̍ ṣvajāte̱ libu̍jeva vṛ̱kṣam
tasya̍ vā̱ tvaṃ mana̍ icchā̱ sa vā̱ tavādho̍ kṛṇuṣva sa̱ṃvida̍ṃ su̱bhadrā̱m

386.17

trīṇi̍ cchandā̍ṃsi ka̱vayo̱ vi ye̍ti̱re pu̱rurūpa̍ṃ darśa̱taṃ vi̱śvaca̍kṣaṇam
āpo̱ vātā̱ oṣa̍dhaya̱stānyekṛ̍smi̱nbhuva̍na̱ ārpi̍tāni

386.18

vṛṣā̱ vṛṣṇe̍ duduhe̱ doha̍sā di̱vaḥ payā̍ṃsi ya̱hvo adi̍te̱radā̍bhyaḥ
viśva̱ṃ sa ve̍da̱ varu̍ṇo yathā̱ dhiyā sa ya̱jñiyo̍ yajati ya̱jñiyā̱ṃ ṛtūn

386.19

rapa̍dgandha̱rvīrapyā̍ ca̱ yoṣa̍ṇā nada̱sya̍ nā̱de pari̍ pātu no̱ mana̍ḥ
i̱ṣṭasya̱ madhye̱ adi̍ti̱rni dhā̍tu no̱ bhrātā̍ no̱ jyeṣṭha̍: pratha̱mo vi vo̍cati

386.20

so ci̱nnu bha̱drā kṣuma̍tī yaśa̍sva̱tyuṣā u̍vāsa̱ marna̍ve sva̱rvinī̍
yadī̍mu̱śanta̍muśa̱tāmanu̱ kratu̍ma̱gniṃ hotā̍raṃ vi̱dathā̍ya̱ jīrja̍nan

386.21

(2)
a̱dhra tyaṃ dra̱psaṃ vi̱bhva̍ṃ1̱̍ vica̍kṣaṇaṃ virāba̍bharadi̱ṣi̱raḥ śye̱no a̍dhva̱re
yadī̍ vi̱śau vṛ̱ṇate̍ da̱smamāryā̱ ani̍ hortā̱rama̱dha dhīra̍jāyata

386.22

sadā̍si raṇvo̱ yava̍seva pu̱ṣyate̱ hotā̍bhiragne̱ manu̍ṣaḥ svadhva̱raḥ
vipra̍sya vā̱ yaccha̍śamā̱na u̱kthyo̱3̱̍ vāja̍ṃ sasa̱vām̐ upa̍yāsi̱ bhūri̍bhiḥ

386.23

udī̍raya pi̱tarā̍ jā̱ra ā bhaga̱miya̍kṣati harya̱to hṛtta i̍ṣyati
viva̍kti̱ vahni̍ḥ svapa̱syate̍ ma̱khastaṃvi̍ṣyate̱ asuro̱ vepa̍te ma̱tī

386.24

yaste̍ agne su̱mati̱ṃ marto̱ akṣyutsaha̍saḥ sūno̱ ati̱ sa pra śṛ̍ṇve
iṣa̱ṃ dadhā̍no̱ vaha̍māno̱ aśvai̱rā sa dyu̱mām̐ a̍mavā̱nbhūṣa̍ti̱ dyūn

386.25

śru̱dhī no̍ agne̱ sada̍ne sa̱dhasthe̍ yu̱ktvā ratha̍ma̱mṛta̍sya dra̱vitnum
ā no̍ vaha roda̍sī deva̱putre̱ mārki̍rde̱vānāmapa̍ bhūri̱ha syā̍ḥ

386.26

yada̍ṅga̱ eṣā sa̱miti̍rbhavā̍ti de̱vī de̱veṣu̍ yaja̱tā ya̍jatra
ratnā̍ ca̱ yadvi̱bhajā̍si svadhāvo bhā̱gaṃ no̱ atra̱ vasu̍mantaṃ vītāt

386.27

anva̍gniruṣa̱sāmagra̍makhya̱danvahā̍ni pratha̱mo jā̱tave̍dāḥ
anu̱ sūrya̍syo̱ṣaso̱ anu̍ ra̱śmīnanu̱ dyāvā̍pṛthi̱vī ā vi̍veśa

386.28

pratya̍gniruṣa̱sāmagra̍makhyatpratyahā̍ni pratha̱mo jā̱tave̍dāḥ
prati̱ sūrya̍sya puru̱dhā ca̍ ra̱śmīnprati̱ dyāvā̍pṛthi̱vī ā ta̍tāna

386.29

dyāvā̍ ha̱ kṣāmā̍ pratha̱me ṛ̱tenā̱bhiśrā̍ve bhavataḥ satya̱vācā̍
de̱vo yanmartā̍ndyaja̱thāya̍ kṛ̱ṇvantsīda̱ddhotā̍ pra̱tyaṅ svamamu̱ṃ yan

386.30

de̱vo de̱vānpari̍bhūrṛ̱tena̱ vahā̍ no ha̱vyaṃ pra̍tha̱maściki̍tvān
dhūmake̍tuḥ sa̱midhā̱ bhrāja̍rīko ma̱ndro hotā̍ ni̱tyo vā̱cā yajī̍yān

386.31

(3)
arcā̍mi vāṃ vardhayā̱mo ghṛ̱tasnū̱ dyāvā̍bhūmī śṛṇuta̱ṃ roda̍sī me
ahnā̱ yahvī̱ asu̍nīti̱māya̱nmadhvā̍ no̱ atra̍ pi̱tarā̍ śiśītām

386.32

svā̱vṛgde̱vasyā̱mṛta̱ṃ yadi̍ go̱ratau jā̱tāso̍ dhārayanta u̱rvī
viśve̍ de̱vā anu̱ tatte̍ yaju̱rgurduhe yadenī̍ di̱vyaṃ ghṛ̱taṃ vā̍ḥ

386.33

kiṃ svi̱nno rājā̍ jagṛhe̱ kadu̍syāti̍ vra̱taṃ ca̍kṛmā̱ ko vi ve̍da
mi̱traści̱ddhi ṣmā̍ juhurā̱ṇo de̱vāñchloko̱ na yā̱tāmapi̍ vā̱jo a̍sti

386.34

du̱rmantvā̱trāmṛta̍sya̱ nāma̍ sa̱lakṣmā̱ yadviṣurūprā̱ bhavā̍ti
ya̱masya̱ yo mana̍vate su̱mantva̱gne tamṛṣva pā̱hyapra̍yucchan

386.35

yasmi̍nde̱vā vi̱dathe̍ mā̱daya̍nte viva̱svata̱ḥ sada̍ne dhārayante
sūrye̱ jyoti̱radhu̍rmā̱sya̍1̱̍ktūnpari̍ dyo̱tani̍ṃ carato̱ aja̍srā

386.36

yasmi̍nde̱vā manma̍ni sa̱ṃcara̍ntyapī̱cye̍3̱ na vyatha̍yasya vi̱dvān
mitro no̱ atrādi̍tiranā̱gānsavi̱tā de̱vo varu̍ṇāya vocat

386.37

sakhā̍ya̱ ā śi̍ṣāmahe bra̱hmendrā̍ya va̱jriṇe̍
stu̱ṣa ū̱ ṣṣu nṛ̱tamā̍ya dhṛ̱ṣṇave̍

386.38

śava̍sā̱ hyasi̍ śru̱to vṛ̱traha̱tyena̍ vṛtrahā
ma̱ghairma̱ghono̱ ati̍ śūra dā̱śasi̍

386.39

ste̱go na kṣāma̱tye̍ṣi pṛthi̱vīṃ ma̱hī no̱ vātā̍ i̱ha vā̍ntu bhūmau̍
mitro no̱ atra̱ varu̍ṇo yujyamā̍no̱ agniva̍ne̱ na vya̍sṛṣṭa̱ śoka̍m

386.40

stu̱hi śru̱taṃ ga̍rta̱sada̱ṃ janā̍nā̱ṃ rājā̍naṃ bhī̱mamu̍pa̱hatnumu̱gram
mṛ̱ḍā ja̍ri̱tre ru̍dra̱ stavā̍no a̱nyante̍ a̱smatte̱ ni va̍pantu̱ senya̍m

386.41

[4]
sara̍svatīṃ de̱vayanto̍ havante̱ sara̍svatīmadhva̱re tā̱yamā̍ne
sara̍svatīṃ su̱kṛto̍ havante̱ sara̍svatī dā̱śuṣe̱ vārya̍ṃ dāt

386.42

sara̍svatīṃ pi̱taro̍ havante dakṣi̱ṇā ya̱jñama̍bhi̱nakṣa̍māṇāḥ
ā̱sa̱dyā̱sminba̱rhiṣi̍ mādayadhvamanamī̱vā iṣa̱ ā dhe̍hya̱sme

386.43

sara̍svati̱ yā sa̱ratha̍ṃ ya̱yātho̱kthaiḥ sva̱dhābhi̍rdevi pi̱tṛbhi̱rmada̍ntī
sa̱ha̱srā̱rghami̱ḍo atra̍ bhā̱gaṃ rā̱yaspoṣa̱ṃ yaja̍mānāya dhehi

386.44

udī̍ratā̱mava̍ra̱ utparā̍sa̱ unma̍dhya̱māḥ pi̱tara̍ḥ so̱myāsa̍ḥ
asu̱ṃ ya ī̱yura̍vṛ̱kā ṛ̍ta̱jñāste no̍vantu pi̱taro̱ have̍ṣu

386.45

āhaṃ pi̱tṝntsu̍vi̱datrā̍m̐ avi̱tsi napā̍taṃ ca vi̱krama̍ṇaṃ ca̱ viṣṇo̍ḥ
ba̱rhi̱ṣado̱ ye sva̱dhayā̍ su̱tasya̍ bhaja̍nta pi̱tvasta i̱hāga̍miṣṭhāḥ

386.46

i̱daṃ pi̱tṛbhyo̱ namo̍ astva̱dya ye pūrvā̍so̱ ye apa̍rāsa ī̱yuḥ
ye pārthi̍ve̱ raja̱syā niṣa̍ttā̱ ye vā̍ nū̱naṃ su̍vṛ̱janā̍su vi̱kṣu

386.47

māta̍lī ka̱vyairya̱mo aṅgi̍robhi̱rbṛha̱spati̱rṛkva̍bhirvāvṛdhā̱naḥ
yāṃśca̍ de̱vā vā̍vṛdhu̱rye ca̍ de̱vāṃste no̍vantu pi̱taro̱ have̍ṣu

386.48

svā̱duṣki̱lāyaṃ madhu̍mām̐ u̱tāyaṃ tīvraḥ ki̱lāyaṃ ra̱savā̍m̐ u̱tāyam
u̱to nva̍sya papi̱vāṃsa̍mindra̱ṃ na kaśca̱na saṃha̍ta ā̱have̍ṣu

386.49

pare̱yivāṃsa̍ṃ pra̱vato̍ ma̱hīriti̍ ba̱hubhya̱ḥ panthā̍manupaspaśā̱nam
vai̱va̱sva̱taṃ sa̱ṃgama̍na̱ṃ janā̍nāṃ ya̱maṃ rājā̍naṃ ha̱viṣā̍ saparyata

386.50

ya̱mo no̍ gā̱tuṃ pra̍tha̱mo vi̍veda̱ naiṣā gavyū̍ti̱rapa̍bhartṛvā u̍
yatrā̍ na̱ḥ pūrve̍ pi̱tara̍ḥ pare̱tā e̱nā ja̍jñā̱nāḥ pa̱thyā̱ anu̱ svāḥ

386.51

(2)
ba̱rhiṣada̍ḥ pitara ū̱tya1̍rvāgi̱mā vo̍ ha̱vyā ca̍kṛmā ju̱ṣadhva̍m
ta ā ga̱tāva̍sā̱ śaṃta̍me̱nādhā̍ na̱ḥ śaṃ yorara̍po dadhāta

386.52

ācyā̱ jānu̍ dakṣiṇi̱to ni̱ṣadye̱daṃ no̍ ha̱vira̱bhi gṛ̍ṇantu̱ viśve̍
mā hi̍ṃsiṣṭa pitara̱ḥ kena̍ cinno̱ yadva̱ āga̱ḥ puru̍ṣatā̱ karā̍ma

386.53

tvaṣṭā̍ duhi̱tre va̍ha̱tuṃ kṛ̍ṇotī̱ tene̱daṃ viśva̱ṃ bhuva̍na̱ṃ same̍ti
ya̱masya̍ mā̱tā pa̍ryu̱hyamā̍nā ma̱ho jā̱yā viva̍svato nanāśa

386.54

prehi̱ prehi̍ pa̱thibhi̍ḥ pū̱rvyāṇai̱ryairnā̱ te pūrve̍ pi̱tara̍ḥ pare̱tāḥ
u̱bhā rājā̍nau sva̱dhayā̱ mada̍ntau ya̱maṃ pa̍śyāsi̱ varu̍ṇaṃ ca de̱vam

386.55

ape̍ta̱ vī̍ti̱ vi ca̍ sarpatāta̱osmā e̱taṃ pi̱taro̍ lo̱kama̍kran
aho̍bhi̱radbhira̱ktubhi̱rvya̍ktaṃ ya̱mo da̍dātyava̱sāna̍masmai

386.56

u̱śanta̍stvedhīma̱hyuśanta̱ḥ sami̍dhīmahi
u̱śannu̍śata̱ ā va̍ha pi̱tṝnha̱viṣe̱ atta̍ve

386.57

dyu̱manta̍stvedhīmahi dyu̱manta̱ḥ sami̍dhīmahi
dyu̱māndyu̍mata̱ ā va̍ha pi̱tṝnha̱viṣe̱ atta̍ve

386.58

aṅgi̍raso naḥ pi̱taro̱ nava̍gvā̱ atha̍rvāṇo̱ bhṛga̍vaḥ so̱myāsa̍ḥ
teṣā̍ṃ va̱yaṃ su̍ma̱tau ya̱jñiyā̍nā̱mapi̍ bha̱dre sau̍mana̱se syā̍ma

386.59

aṅgi̍robhi̱ryajñiye̍rā ga̍hīha ya̱ma vai̱rūpai̍ri̱ha mā̍dayasva
viva̍svantaṃ huve̱ yaḥ pi̱tā te̱sminba̱rhiṣyā ni̱ṣadya̍

386.60

i̱maṃ ya̍ma prasta̱ramā hi rohāṅgi̍robhiḥ pi̱tṛbhi̍ḥ saṃvidā̱naḥ
ā tvā̱ mantrā̍ḥ kaviśa̱stā va̍hantve̱nā rā̍janha̱viṣo̍ mādayasva

386.61

i̱ta e̱ta u̱dāru̍handivaspṛ̱ṣṭhānyāru̍han
pra bhūrjayo̍ yathā pa̱thā dyāmāṅgi̍raso yayuḥ

Linked texts (7)