Pramāṇa · Search · About · API

Angirasi 388: athaikonaviṃśaṃ kāṇḍam

Aṅgirasī 388

Language
Sanskrit

athaikonaviṃśaṃ kāṇḍam

388.p1

atha pañcatriṃśaḥ prapāṭhakaḥ

388.1

ṛṣiḥ-brahmā || devatā-yajñaḥ || chandaḥ-1, 2 pathyā bṛhatī; 3 paṅktiḥ
saṃ sa̍ṃ sravantu na̱dya̍1: saṃ vātā̍: saṃ pa̍ta̱triṇa̍:
ya̱jñami̱maṃ vardhayatā giraḥ saṃsrā̱vye̍ṇa ha̱viṣā̍ juhomi

388.2

i̱maṃ homā̍ ya̱jñama̍vate̱maṃ saṃsrāvaṇā uta
ya̱jñami̱maṃ vardhayatā giraḥ saṃsrā̱vye̍ṇa ha̱viṣā̍ juhomi

388.3

rū̱paṃrū̍pa̱ṃ vayo̍vayaḥ saṃra̱bhyaina̱ṃ pari̍ ṣvaje
ya̱jñami̱maṃ cata̍sraḥ pra̱diśo̍ vardhayantu saṃsrā̱vye̍ṇa ha̱viṣā̍ juhomi

388.1-2

ṛṣiḥ-sindhudvīpaḥ || devatā-āpaḥ || chandaḥ-anuṣṭup
śaṃ ta̱ āpo̍ haimava̱tīḥ śamu̍ te santūtsaScreenyā̍1:
śaṃ ta̍ saniṣya̱dā āpa̍: śamu̍ te santu va̱rṣyā̍1:

388.2-2

śaṃ ta̱ āpo̍ dhanva̱nyā̍3: śaṃ ta̍ santvanū̱pyā̍1:
śaṃ ta̍ khani̱trimā̱ āpa̍: śaṃ yāḥ ku̱mbhebhi̱rābhṛ̍tāḥ

388.3-2

ana̍bhrayaḥ khana̍mānā̱ viprā̍ gambhī̱re a̱pasa̍ṃ:
bhi̱ṣagbhyo̍ bhi̱ṣakta̍rā̱ āpo̱ acchā̍ vadāmasi

388.4

a̱pāma̱haṃ di̱vyānā̍ma̱pāṃ srota̱syā̍nām
a̱pāma̱haṃ pra̍ṇeja̱neśvo̍ bhavatha vā̱jina̍:

388.5

tā a̱paḥ śi̱vā a̍po̱yakṣma̍ṃkaraṇī̱rapa̍:
yathai̍va tṛ̱pyate̍ ma̱yastāsta̱ ā da̍tta bheṣa̱jīḥ

388.1-3

ṛṣiḥ-atharvāṅgirāḥ || devatā-agniḥ || chandaḥ-1, 3, 4 triṣṭup;
2 bhurik triṣṭup
di̱vaspṛ̍thi̱vyāḥ parya̱ntari̍kṣā̱dvana̱spati̍bhyo̱ adhyoṣa̍dhībhyaḥ
yatra̍yatra vi̱bhṛto jā̱tave̍dā̱stata̍ stu̱to ju̍ṣamā̱ṇo na̱ ehi̍

388.2-3

yaste̍ a̱psu ma̍hi̱mā yo vane̍ṣu̱ ya oṣa̍dhīṣu pa̱śuṣva̱psva1̱ntara̍:
agne̱ sarvā̍sta̱nva1̱: saṃ ra̍bhasva̱ tābhi̍rna̱ ehi̍ draviṇo̱dā aja̍sraḥ

388.3-3

yaste̍ de̱veṣu̍ mahi̱mā sva̱rgo yā tai ta̱nūḥ pi̱tṛṣva̱viveśa̍
puṣṭyā̍ tai manu̱ṣye̍ṣu paprathe̱gne tayā̍ ra̱yima̱smāsu̍ dhehi

388.4-2

śrutka̍rṇāya ka̱vaye̍ ve̱dyā̍ya̱ vaco̍bhirvā̱kairupa̍ yāmi gṛ̱ṇim
yato̍ bha̱yamabha̍yaṃ tanno̍ a̱stvava̍ de̱vānā̍ṃ yaja̱ heḍo̍ agne

388.1-4

yāmāhu̍tiṃ pratha̱māmatha̍rvā̱ yā jñātā yā ha̱vyamakṛ̍ṇojjātave̍dāḥ
tāṃ te̍ e̱tāṃ pratha̱mo jo̍havīmi̱ tāmiṣṭa̱to va̍hatu ha̱vyama̱gnira̱gnaye̱ svāhā̍

388.2-4

ākū̍tiṃ de̱vīṃ su̱bhagā̍ṃ pu̱ro da̍dhe ci̱ttasya̍ mā̱tā su̱havā̍ no astu
yāmā̱śāme̍mi̱ keva̍lī̱ sā me̍ astu vi̱deye̱menā̱ṃ mana̍si̱ pravi̍ṣṭām

388.3-4

ākū̍tyā no̱ bṛhaspata̱ ākū̍tyā na̱ upā ga̍hi
atho̱ bhaga̍sya no̱ dhehyatho̍ naḥ su̱havo̍ bhava

388.4-3

bṛha̱spati̍rna̱ ākū̍timāṅgira̱saḥ prati̍ jānātu̱ vāca̍me̱tām
yasya̍ de̱vā de̱vatā̍: saṃba̱bhūvu̍: sa su̱praṇī̍ta̱ḥ kāmo̍ anve̱tva̱smān

388.1-5

indro̱ rājā̱ jagata̍ścarṣaṇī̱nāmadhi̍ kṣa̱mi vi̱purū̍pa̱ṃ yadasti̍
tato̍ dadāti dā̱śuṣe̱ vasū̍ni co̱dadrādha̱ upa̍stutaści̱darvāk

388.1-6

sa̱hasra̍bāhuḥ pu̱ruṣa̍ḥ sahasrā̱kṣaḥ sa̱hasra̍pāt
sa bhūmi̍ṃ vi̱śvato̍ vṛ̱tvātya̍tiṣṭhaddaśā̱ṅgulam

388.2-5

tribhi̍: pa̱dbhirudyā̍maroha̱tpāda̍sye̱hābha̍va̱tpuna̍:
tathā̱ vya̍krāmadvi̱ṣvaṅṅa̍śanāna̱śane̱ anu̍

388.3-5

tāva̍nto asya mahimāna̱stato̱ jyāyā̍m̐śca̱ pūru̍ṣaḥ
pādo̍'sya̱ viśvā̍ bhū̱tāni̍ tri̱pāda̍syā̱mṛta̍ṃ di̱vi

388.4-4

puru̍ṣa e̱vedaṃ sarva̱ṃ yadbhū̱taṃ yacca̱ bhavya̍m
u̱tāmṛ̍ta̱tvasyeś‍va̍ro̱ yada̱nyenābha̍vatsa̱ha

388.5-2

yatpuru̍ṣa̱ṃ vyada̍dhuḥ kati̱dhā vya̍kalpayan
mukha̱ṃ kima̍sya̱ kiṃ bā̱hū kimūrū̱ pādā̍ ucyete

388.6

brāhma̍ṇo̱'sya mukha̍māsīdbā̱hū rā̍ja̱nyo̍'bhavat
madhya̱ṃ tada̍sya̱ yadvaiśya̍ḥ pa̱dbhyāṃ śū̱dro a̍jāyata

388.7

ca̱ndramā̱ mana̍so jā̱taścakṣo̱ḥ sūryo̍ ajāyata
mukhā̱dindra̍ścā̱gniśca̍ prā̱ṇādvā̱yura̍jāyata

388.8

nābhyā̍ āsīda̱ntari̍kṣaṃ śī̱rṣṇo dyauḥ sama̍vartata
pa̱dbhyāṃ bhūmi̱rdiśa̍ḥ śrotrā̱ttathā̍ lo̱kām̐ a̍kalpayan

388.9

vi̱rāḍagre̱ sama̍bhavadvi̱rāzo̱ adhi̱ pūru̍ṣaḥ
sa jā̱to atya̍ricyata pa̱ś‍cādbhūmi̱matho̍ pu̱raḥ

388.10

yatpuru̍ṣeṇa ha̱viṣā̍ de̱vā ya̱jñamata̍nvata
va̱sa̱nto a̍syāsīdājya̍ṃ grī̱ṣma i̱dhmaḥ śa̱raddha̱viḥ

388.11

taṃ ya̱jñaṃ prā̱vṛṣā̍ praukṣa̱npuruṣa̍ṃ jā̱tama̍gra̱śaḥ
tena̍ de̱vā aya̍janta sā̱dhyā vasa̍vaśca̱ ye

388.12

tasmā̱daśvā̍ ajāyanta̱ ye ke co̍bha̱yāda̍taḥ
gāvo̍ ha jajñire̱ tasmā̱ttasmā̍jjā̱tā a̍jā̱vaya̍ḥ

388.13

tasmā̍dya̱jñātsa̍rva̱huta̱ ṛca̍ḥ sāmā̍ni jajñire
chandā̍m̐si ha jajñire̱ tasmā̱dyaju̱stasmā̍dajāyata

388.14

tasmā̍dya̱jñātsa̍rva̱huta̱ḥ saṃbhṛ̍taṃ pṛṣadā̱jya̍m
pa̱śūm̐stāṃśca̍kre vāya̱vyānāra̱ṇyā grā̱myāśca̱ ye

388.15

sa̱ptāsyā̍sanpari̱dhaya̱striḥ sa̱pta sa̱midha̍ḥ kṛ̱tāḥ
de̱vā yadya̱jñaṃ ta̍nvā̱nā aba̍dhna̱npuruṣa̍ṃ pa̱śum

388.16

mū̱rdhno de̱vasya̍ bṛha̱to a̱ṃśava̍ḥ sa̱pta saṃsru̍tīḥ
rājña̍ḥ so̱masyā̍jāyanta jā̱tasya̱ puru̍ṣā̱dadhi̍

Linked texts (5)