Pramāṇa · Search · About · API

Angirasi 393

Aṅgirasī 393

Language
Sanskrit

393.1

ṛṣiḥ-vasiṣṭhaḥ || devatā-mantroktāḥ || chandaḥ-triṣṭup
śaṃ na̍ḥ sa̱tyasya̱ pata̍yo bhavantu̱ śaṃ no̱ arva̍ntaḥ śamu̍ santu̱ gāva̍ḥ
śaṃ na̍ ṛ̱bhava̍ḥ su̱kṛta̍ḥ su̱hastā̱ḥ śaṃ no̍ bhavantu pi̱taro̱ have̍ṣu

393.2

śaṃ no̍ de̱vā viśva̍devā bhavantu̱ śaṃ sara̍svatī sa̱ha dhī̱bhira̍stu
śa̍ṃno̱bhiṣāca̍ḥ śamu̍ rā̱tiṣāca̍ḥ śaṃ no̍ di̱vyāḥ pārthi̍vāḥ śaṃ no̱ apyā̍ḥ

393.3

śaṃ no̍ a̱ja eka̍pāde̱vo a̍stu śamahi̍rbu̱dhnya̍ḥ śaṃ sa̍mu̱draḥ
śaṃ no̍ a̱pāṃ napā̍tpe̱rura̍stu̱ śaṃ na̱ḥ pṛśni̍rbhavatu de̱vago̍pā

393.4

ā̱di̱tyā ru̱drā vasa̍vo juṣantāmi̱daṃ brahma̍ kri̱yamā̍ṇaṃ navī̍yaḥ
śṛ̱ṇvantu̍ no di̱vyāḥ pārthi̍vāso̱ gorjā̍tā u̱ta ye ya̱jñiyā̍saḥ

393.5

ye de̱vānā̍mṛ̱tvijo̍ ya̱jñiyā̍so̱ mano̍rja̱ntrā a̱mṛtā̍ ṛta̱jñāḥ
te no̍ ga̱mantāmu̱rugā̱yama̱dya yū̱yaṃ pā̍ta sva̱stibhi̍ḥ sadā̍ naḥ

393.6

tada̍stu mitrāvaruṇā̱ tada̍gne̱ śaṃ yora̱smabhya̍mi̱dama̍stu śa̱stam
a̱śīmahi̍ gā̱dhamu̱ta pra̍ti̱ṣṭhāṃ namo̍ di̱ve bṛ̍ha̱te sāda̍nāya

Linked texts (3)