Angirasi 4
Aṅgirasī 4
- Language
- Sanskrit
4.1
ṛṣiḥ—atharvā || devatā—pūṣādayo mantroktāḥ || chandaḥ—1 paṅktiḥ; 2 anuṣṭup;
3 'catuṣpadoṣṇiggarbhā kakummatyanuṣṭup; 4-6 pathyā paṅktiḥ
vaṣa̍ṭte pūṣa̱nnasmi̱nsūtau̍varya̱mā hotā̍ kṛṇotu ve̱dhāḥ
sistra̍tā̱ṃ nāryutapra̍jātā̱ vi parvā̍ṇi jihatā̱ṃ sūta̍vā̱ u̍
4.2
cata̍sro di̱vaḥ pra̱diśa̱ścata̍sro̱ bhūmyā̍ u̱ta
de̱vā garbha̍ṃ samairaya̱ntāṃ vyūrṇuvantu sūta̍ve
4.3
sū̱ṣā vyū̍rṇotu̱ vi yoni̍ṃ hāpayāmasi
śratha̍yā sūṣaṇe̱ tvamava̱ tvaṃ bi̍ṣkale sṛja
4.4
neva̍ mā̱ṃse na pīva̍si̱ neva̍ ma̱jjasvāhu̍tam
avai̍tu̱ pṛśni̱ śeva̍la̱ṃ śune̍ ja̱rāyvatta̍ve̱vāva̍ ja̱rāyu̍ padyatām
4.5
vi te̍ bhinadmi me̱hana̱ṃ vi yoni̱ṃ vi ga̱vīnike̍
vi mā̱tara̍ṃ ca pu̱traṃ ca̱ vi ku̍mā̱raṃ ja̱rāyu̱ṇāva̍ ja̱rāyu̍ padyatām
4.6
yathā̱ vāto̱ yathā̱ mano̱ yathā̱ pata̍nti pa̱kṣiṇa̍ḥ
e̱vā tvaṃ da̍śamāsya̱ sākaṃ ja̱rāyu̍ṇā patā̱vāva̍ ja̱rāyu̍ padyatām
4.3-2
ṛṣiḥ- bhṛgvaṅgirāḥ || devatā - yakṣmanāśanam || chandaḥ - 1-3 jagatī ( 2, 3 triṣṭup ? ) 4 anuṣṭup
4.1-2
jarā̱yuja̍ḥ pratha̱ma u̱sriyo̱ vṛṣā̱ vāta̍bhrajā sta̱naya̍nneti vṛ̱ṣṭyā
sa no̍ mṛḍāti ta̱nva̍ ṛju̱go ru̱janya eka̍moja̍stre̱dhā vi̍cakra̱me
4.2-2
aṅge̍aṅge śo̱ciṣā̱ śiśriyā̱ṇaṃ nama̍syanta̍stvā ha̱viṣā̍ vidhema
a̱ṅkāntsaṃma̱ṅkān ha̱viṣā̍ vidhema̱ yo agra̍bhītparvīsyā grabhī̍tā
4.3-3
mu̱ñca śī̍rṣa̱ktyā u̱ta kāsa̍ e̱naṃ paru̍ṣparurāviveśa ya̍ a̍sya
yo a̍bhra̱jā vā̍ta̱jā yaśca̍ śu̱ṣmo vana̱spatī̱ntsañca̍tā̱ṃ parva̍tāṃśca
4.4-2
śaṃ me̍ pa̱rasmai̍ gātrā̍ya̱ śama̱stvava̍rāya me
śaṃ me̍ ca̱turbhyo̱ aṅge̍bhya̱ḥ śama̍stu ta̱nve̍3 marma̍
Linked texts (5)
- Atharvaveda — Sanskrit
- Śaunakasaṃhitā — Sanskrit
- Ṛgvedakhilāni — Sanskrit
- Mantrapuṣpa — Sanskrit
- Paippalādaśākhā — Sanskrit