Angirasi 42
Aṅgirasī 42
- Language
- Sanskrit
42.1
indra̍sya yā ma̱hī dṛṣatkrime̍rviśva̍sya ta̱rhaṇī̍
tayā̍ pina̱ṣmi saṃ krimī̱nvṛṣa̍dā kha̱lvām̐ i̍va
42.2
dṛ̱ṣṭama̍dṛ̱ṣṭama̍tṛhamatho̍ ku̱rūru̍mattṛham
a̱laga̱ṇḍūntsarvā̍m̐ñchlu̱nānkrimī̍nvaca̍sā jambhayāmasi
42.3
a̱laga̱ṇḍūnha̍nmi maha̱tā va̱dhena̍ dū̱nā adū̍nā ara̱sā a̍bhūvan
śi̱ṣṭānaśi̍ṣṭā̱nvi ti̍rāmi vā̱cā yathā̱ krimī̍ṇā̱ṃ naki̍ru̱cchiṣā̍tai
42.4
a̱nvā̱ntrya̍ṃ śī̱rṣaṇya̍matho̱ pārśve̍ya̱ṃ krimī̍n
ava̍skavaṃ vya̍dhva̱raṃ krimī̍nvaca̍sā jambhayāmasi
42.5
ye krima̍yaḥ parva̍teṣu̱ vane̱ṣvoṣa̍dhīṣu pa̱śuṣva̱psva̱1ntataḥ
ye a̱smāka̍ṃ ta̱nva̱1māvi̍vi̱śuḥ sarva̱ṃ taddha̍nmi̱ jani̍m krimī̱ṇām
42.6
ṛṣiḥ—kāṇvaḥ || devatā—ādityaḥ || chandaḥ—1 tripādbhuriggāyatrī; 2-5 anuṣṭup;
6 catuṣpānnicṛduṣṇik
Linked texts (2)
- Atharvaveda — Sanskrit
- Śaunakasaṃhitā — Sanskrit