Angirasi 46
Aṅgirasī 46
- Language
- Sanskrit
46.1
ye bha̱kṣaya̍nto̱ na vasū̱ṃnyā̍nṛdhuryānma̱ryo a̱nvata̍pyanta dhiṣṇyā̍ḥ
yā teṣā̍mava̱yā duri̍ṣṭiḥ svi̍ṣṭiṃ nṛ̱stānkṛ̍ṇavadvi̱śvaka̍rmā
46.2
ya̱jñapa̍timṛṣa̍ya̱ ena̍sāhurnirbhaktaṃ pra̱jā anu̍tapyamā̱nam
ma̱dhavyā̍ntsto̱kānapa̍ yānna̱rādha̍ saṃ nṛ̱ṣṭebhi̍ḥ sṛjatu vi̱śvaka̍rmā
46.3
adā̍nyāntso̱mapānmanya̍māno ya̱jñasya̍ vi̱dvānrtsa̱maye̱ na dhīra̍ḥ
yadena̍ścakṛ̱vānba̱ddha e̱ṣa taṃ viśva̍karmanpra mu̍ñcā sva̱staye̍
46.4
gho̱rā ṛṣa̍yo̱ namo̍ astvebhyaścakṣu̱ryade̍ṣā̱ṃ mana̍saśca sa̱tyam
bṛhaspata̍ye mahi̱ṣa dyu̱mannamo̱ viśva̍karmannama̍ste pā̱hya̍1̱smān
46.5
ya̱jñasya̱ cakṣu̍ḥ prabhṛ̱tirmukha̍ṃ ca vā̱cā śrotre̍ṇa̱ mana̍sā juhomi
i̱maṃ ya̱jñaṃ vi̍ta̱taṃ viśvakarma̍ṇā de̱vā ya̍ntu suma̱nasyamā̍nāḥ
Linked texts (2)
- Atharvaveda — Sanskrit
- Śaunakasaṃhitā — Sanskrit