Angirasi 48: atha tṛtīyaṃ kāṇḍam
Aṅgirasī 48
- Language
- Sanskrit
atha tṛtīyaṃ kāṇḍam
48.p1
atha pañcamaḥ prapāṭhakaḥ
48.1
a̱gnirna̱ḥ śatrūnpra̱tye̍tu vi̱dvānprati̍da̱hanna̱bhiśa̍stimarā̍tim
sa senā̍ mohayatu̱ pare̍ṣā̱ṃ nirha̍stāṃśca kṛṇavajjātave̍dāḥ
48.2
yū̱yamu̱grā ma̍ruta ī̱dṛśe̍ stha̱ābhi preta̍ mṛṇa̱ta saha̍dhvam
amī̍mṛṇva̱ntsavo̍ nāthi̱tā i̱me a̱gnirhye̍ṣāṃ dū̱taḥ pra̱tyetu̍ vi̱dvān
48.3
a̱mi̱tra̱senā̍ṃ maghavanna̱smāñchatrū̍ya̱tīma̱bhi
yu̱vaṃ tā̍nindra vṛtrahanna̱gniśca̍ dahata̱ṃ prati̍
48.4
prasū̍ta indra̱ prava̍tā̱ hari̍bhyā̱ṃ pra te̱ vajra̍ḥ pramṛ̱ṇanne̍tu̱ śatrū̍n
ja̱hi pra̱tīco̍ anū̱caḥ parā̍co̱ viṣva̍ksatyaṃ kṛṇuhi citta̍meṣām
48.5
indra̱ senā̍ mo̱hayā̱mitrā̍ṇām
a̱gnervāta̍sya̱ dhrājyā̱ tānvi̍ṣū̱co vi nā̍śaya
48.6
indra̱ḥ senā̍ mohayatu ma̱ruto̍ ghnantvoja̍sā
cakṣū̍ṃṣya̱gnirā da̍ttā̱ṃ puna̍retu parā̍jitā
Linked texts (2)
- Atharvaveda — Sanskrit
- Śaunakasaṃhitā — Sanskrit