Angirasi 50
Aṅgirasī 50
- Language
- Sanskrit
50.1
aci̍kradatsa̱dhamā̍ i̱ha bhu̍va̱dagne̱ vya̍cisva rodasī urūcī̍
yu̱ñjantu̍ tvā ma̱ruto̍ vi̱śvave̍dasa̱ āsu̍ṃ naya̱ nama̍sā rā̱taha̍vyam
50.2
dū̱re ci̱tsanta̍maru̱ṣāsa̱ indra̱mā cyā̍vayantu sa̱khyāya̱ vipra̍m
yaddvāya̱trīṃ bṛ̍hatīma̱rkama̍smai̱ sautrā̍maṇyā dadhṛ̱ṣanta̍ de̱vāḥ
50.3
a̱ddhya̍stvā̱ rājā̱ varu̍ṇo hvayatu̱ soma̍stvā hvayatu̱ parva̍tebhyaḥ
indra̍stvā hvayatu̱ viḍbhya̱ ābhya̍ḥ śye̱no bhū̱tvā viśa̱ ā pa̍te̱māḥ
50.4
śye̱no ha̱vyaṃ na̍yatvā̱ para̍smāda̱nyakṣetre̍ apa̱ruddha̱ṃ cara̍ntam
a̱śvinā̱ panthā̍ṃ kṛṇutāṃ su̱gaṃ ta̍ i̱maṃ sa̍ṃjātā a̱bhisaṃvi̍śadhvam
50.5
hvaya̍ntu tvā prati̱janā̱ḥ prati̍ mi̱trā a̍vṛṣata
indrā̱gnī viśve̍ de̱vāste̱ viśi̍ kṣe̱mama̍dīdharan
50.6
yaste̱ hava̍ṃ vi̱vada̍tsajā̱to yaśca̱ niṣṭya̍ḥ
apā̍ñcamindra̱ taṃ kṛ̱tvāthe̱mami̱hāva̍ṃ gamaya
Linked texts (3)
- Atharvaveda — Sanskrit
- Śaunakasaṃhitā — Sanskrit
- Paippalādasaṃhitā — Sanskrit