Angirasi 51

Aṅgirasī 51

ā tvā̍ gantrā̱ṣṭraṃ saha varca̍sordi̍hi̱ nāḍḍi̍śā̱ṃ pati̍rekarā̱ṭ tvaṃ vi rāja̍
sarvā̍stvā rājanpra̱diśo̍ hvayantū̱pasadyo̱ nama̍syo̍ bhave̱ha

tvāṃ viśo̍ vṛṇatāṃ rājyā̍ya̱ tvāmi̱māḥ pra̱diśa̱ḥ pañca̍ de̱vīḥ
varṣain‌rāṣṭ‌rasya̍ ka̱kudi̍ śrayasva̱ tato̍ na u̱gro vi bha̍jā̱ vasū̍ṃni

accha̍ tvā yantu ha̱vinaṃ̍ḥ sajā̱tā a̱gnirdūto a̍ji̱raḥ saṃ ca̍rātai
jā̱yāḥ pu̱trāḥ suma̍naso bhavantu ba̱huṃ ba̱liṃ prati̍ paśyāsā u̱graḥ

a̱śvinā̱ tvāgre̍ mi̱trāvaru̍ṇo̱bhā viśve̍ de̱vā ma̱ruta̍stvā hvayantu
adhā̍ ma̱no vasu̱deyā̍ya kṛṇuṣva̱ tato̍ na u̱gro vi bha̍jā̱ vasū̍ṃni

ā pra dreva pa̱ra̱masyā̍ḥ pa̱rāvata̍ḥ śi̱ve te̱ dyāvā̍pṛthi̱vī u̱bhe stā̍m
tada̱yaṃ rājā̱ varu̍ṇa̱stathā̍ha̱ sa tvā̱yama̍hva̱tsa upe̱dame̍hi

indra̍ndra manu̱ṣyā̍3ḥ pare̍hi̱ saṃ hya1̍jñāsthā̱ varu̍ṇaiḥ saṃvidānaḥ
sa tvā̱yama̍hva̱tsve sa̱dhasthe̍ sa de̱vānya̍kṣa̱tsa u̍ kalpayādviśa̍ḥ

pa̱thyā̍ revatī̍rbahu̱dhā virū̍pāḥ sarvā̱ḥ saṃga̍tya̱ varī̍yaste akran
tāstvā̱ sarvā̍ḥ saṃvidā̱nā hva̍yantu da̱śamī̍mu̱graḥ su̱manā̍ va̱śeha

Linked texts (3)