Angirasi 52

Aṅgirasī 52

āyama̍ganparṇama̱ṇirba̱lī bale̍na pramṛṇantsa̱patnā̍n
ojo̍ de̱vānā̱ṃ paya̱ oṣa̍dhīnā̱ṃ varca̍sā mā̱ jinva̱tvapra̍yāvan

maye̍ kṣa̱traṃ pa̍rṇamaṇe̱ mayi̍ dhārayatā̱drayi̍m
a̱haṃ rā̱ṣṭrasyā̱bhīva̍rge ni̱jo bhū̍yāsamutta̱maḥ

yaṃ ni̍da̱dhurva̍na̱spatau̱ guhyā̍ de̱vāḥ pri̱yaṃ ma̱ṇim
tama̱smabhya̍ṃ sa̱hāyu̍ṣā de̱vā da̍datu bharttave

soma̍sya pa̱rṇaḥ saha̍ u̱gramāga̍nnindre̍ṇa da̱tto varu̍ṇena śi̱ṣṭaḥ
taṃ pri̍yāsaṃ ba̱hu roca̍māno dī̱rghāyu̍tvāya̍ śa̱taśā̍radāya

ā mā̍rukatparṇama̱ṇirmahyā̱ ari̍ṣṭatātaye
yathā̱hama̍tta̱rosāṃnyarya̍mṇa u̱ta sa̱ṃvida̍ḥ

ye dhīvā̍no ra̱thakā̱rāḥ ka̱rmārā̱ ye ma̍nī̱ṣiṇa̍ḥ
u̱pastīnpa̍rṇa̱ mahya̍ṃ tvaṃ sarvā̍nkṛṇva̱bhito̍ ja̱nān

ye rājā̍no rāja̱kṛta̍ḥ sū̱tā grā̍ma̱ṇya̍śca̱ ye
u̱pastīnpa̍rṇa̱ mahya̍ṃ tvaṃ sarvā̍nkṛṇva̱bhito̍ ja̱nān

pa̱rṇo'si̍ tanū̱pāna̱ḥ sayau̍nirvī̱ro vī̱reṇa̱ mayā̍
saṃvatsa̱rasya̱ teja̍sā̱ tena̍ṃ badhnāmi tvā maṇe

Linked texts (2)