Angirasi 69

Aṅgirasī 69

ha̱sti̱va̱rca̱saṃ pratha̍tāṃ bṛ̱hadyaśo̱ yadi̱tyā yatta̱nva̱1̱̍ḥ saṃba̱bhūva̍
tatsarva̍m̐ samardurma̱hyame̱tadviśve̍ de̱vā yadi̍tiḥ sa̱joṣā̍ḥ

mi̱traśca̱ varu̍ṇaścendro̍ ru̱draśca̍ cetatuḥ
de̱vāso̍ viśvadhāya̱saste mā̍ṃñjantu varca̍sā

yena̍ ha̱stī varca̍sā saṃba̱bhūva̱ yena̱ rājā̍ manu̱ṣye̱ṣśva̱nta̍ḥ
yena̍ de̱vā de̱vatā̱magra̱ āya̱ntena̱ māma̱dya varca̍sāgne varca̍svinaṃ kṛṇu

yatte̱ varco̍ jātavedo bṛ̱hadbhava̱tyāhu̍teḥ
yāva̱tsūrya̍sya̱ varca̍ ā̱sura̍sya ca ha̱stina̍ḥ
tāva̍nme a̱śvinā̱ varca̱ ā dha̍ttaṃ puṣkarasrajā

yāva̍ccata̱sraḥ pra̱diśa̱ścakṣu̍ryāva̱tsama̍śnute
tāva̍tsa̱maitvi̍ndri̱yaṃ mayi̱ taddha̍stiva̱rca̱sam

ha̱stī mṛ̱gāṇā̍ṃ suṣa̱dāma̍tiṣṭhāvā̍nba̱bhūva̱ hi
tasya̱ bhage̍na̱ varca̍sā̱bhi ṣi̍ñcāmi̱ māma̱ham

Linked texts (2)