Angirasi 76

Aṅgirasī 76

yadrājā̍no̱ vibhaja̍nta iṣṭāpū̱rtasya̍ ṣo̱ḍa̱śaṃ ya̱masyāmī sa̍bhā̱sada̍ḥ
avi̍stasmā̱nmuñcati da̱ttaḥ śi̍tipā̱tsvadhā̍

sarvā̱nkāmā̱ṃnpūrayatyā̱bhava̍npra̱bhava̍nbhava̱n
āhu̍ti̱provi̍rda̱ttaḥ śi̍tipā̱nnopa̍ dasryati

yo dadā̍ti śitipā̱damavi̍ṃ lo̱ken saṃmi̍tam
sa nāka̍ma̱bhyāro̍hati̱ yatra̍ śu̱lko na kriyate̍ aba̱lena̱ balī̍yase

pañcā̍pū̱paṃ śi̍tipā̱damavi̍ṃ lo̱kena̱ saṃmi̍tam
pradā̱topa̍ jīvati pi̱tṝṇā̍ṃ lo̱kekṣi̍tam

pañcā̍pū̱paṃ śi̍tipā̱damavi̍ṃ lo̱kena̱ saṃmi̍tam
pradā̱topa̍ jīvati̱ sūryā̍mā̱sayo̱rakṣi̍tam

ire̍ṃva̱ nopa̍ dasyati samu̱dra i̍va̱ payo̍ ma̱hat
de̱vau sa̍ṃvā̱sinā̍viva̱ śiti̍pā̱nnopa̍ dasyati

ka i̱daṃ kasmā̍ adā̱tkāma̍: kāmā̍yādāt
kāmo̍ dā̱tā kāma̍: pratigrahī̱tā kāma̍: samu̱dramā vi̍veśa
kāme̍na tvā̱ prati̍ gṛhṇāmi̱ kāmai̱tatte̍

bhūmi̍ṣṭhvā prati̍ gṛhṇātva̱ntari̍kṣami̱daṃ ma̱hat
māhaṃ prā̱ṇena̱ mātmanā̱ mā pra̱jayā̱ prati̍gṛhya̱ vi rā̍dhiṣi

Linked texts (2)