Angirasi 81

Aṅgirasī 81

uditastrayo a̍kramanvyā̱ghraḥ puru̍ṣo vṛka̍ḥ
hiru̍gghi yanti̱ sindha̍vo̱ hiru̍gde̱vo vana̱spati̱rhiru̍ṅṅamantu̱ śatra̍vaḥ

pare̍ṇaitu pa̱thā vṛka̱ḥ para̍meṇota taskara̍ḥ
pare̍ṇa da̱tvatī̱ rajju̱ḥ pare̍ṇā̱ghāyu̍rarṣatu

a̱kṣyau̍ ca te̱ mukha̍ṃ ca te vyāghra jambhayāmasi
ātsarvā̍ṃnviṃśa̱tiṃ nakhān̍

vyā̱ghraṃ da̱tvatā̍ṃ va̱yaṃ pra̍tha̱maṃ ja̍mbhayāmasi
ādu̱ ṣṭena̱matho̱ ahi̍ṃ yā̱tudhāna̱matho̱ vṛka̍m

yo a̱dya ste̱na ārya̍ti̱ sa sa̍ṃpi̱ṣṭo a̍pāyati
pa̱thārma̍pa̱dhva̍ṃsene̱tvindro̍ va̱jreṇa̍ hantu̱ tam

mūrṇā mṛ̱gasya̱ dantā̱ api̍śīrṇā u pṛ̱ṣṭaya̍ḥ
nirmukte̱ godhā̍ bhavatu nī̱cāya̍ccha̱śāyu̍rmṛ̱gaḥ

yatsa̍ya̱mo na vi ya̍mo̱ vi ya̍mo̱ yanna sa̍ṃyamaḥ
indra̍jāḥ soma̍jā ātharvaṇama̍si vyāghrajambha̍nam

Linked texts (2)