Angirasi 91
Aṅgirasī 91
- Language
- Sanskrit
91.1
a̱jo hya̍gneraja̍niṣṭa̱ śokā̱tso apa̍śyajjani̱tāra̱magre̍
tena̍ de̱vā de̱vatā̱magra̍ āya̱ntena̱ rohā̍nuruhurmedhyā̍saḥ
91.2
krarma̍dhvama̱gninā̱ nāka̍mu̱khyāṉhaste̍ṣu bibhra̍taḥ
di̱vaspṛ̱ṣṭhaṃ sva̱rga̍tvā mi̱śrā de̱vebhi̍rādhvam
91.3
pṛ̱ṣṭhātpṛ̍thi̱vyā aha̱mantari̍kṣama̱āruha̱mantari̍kṣāddi̱vamā̍ruham
di̱vo nāka̍sya pṛ̱ṣṭhātsva̍rjyoti̍ragāmaham
91.4
sva̍ryanto̱ nāpai̍kṣanta̱ ā dyāṃ ro̍hanti̱ roda̍sī
ya̱jñaṃ ye vi̱śvato̍dhāraṃ suvi̱dvāṃso̍ viteni̱re
91.5
agne̱ prehi̍ pratha̱mo de̍va̱tānā̱ṃ cakṣu̍rde̱vānā̍mu̱ta mānu̍ṣāṇām
īya̍kṣamāṇā̱ bhṛgu̍bhiḥ sa̱joṣā̱ḥ sva̍ryantu̱ yaja̍mānāḥ sva̱sti
91.6
a̱jama̍na̱ñji paya̍sā ghṛ̱tena̍ di̱vyaṃ su̍pa̱rṇaṃ vaya̍saṃ bṛha̱ntam
tena̍ geṣma su̱kṛtasya̍ lo̱kaṃ sva̱riroha̍nto a̱bhi nāka̍mutta̱mam
91.7
pañcau̍danaṃ pa̱ñcabhi̍ra̱ṅguli̍bhirdvayorddhara pañcadhaitamaudanam
prācyā̍ṃ di̱śi śiro̍ ajasya̍ dhehi dakṣi̍ṇāyāṃ di̱śi dakṣi̍ṇaṃ dhehi pā̱rśvam
91.8
pra̱tīcyā̍ṃ di̱śi bhasa̱dama̍sya dhehyutta̍rasyāṃ di̱śyutta̍raṃ dhehi pā̱rśvam
ū̱rdhvāyā̍ṃ di̱śya1̱̍jasyānūka̍ṃ dhehi di̱śi dhru̱vāyā̍m̐ dhehi pā̱jasya̱mantari̍kṣe madhya̱to madhya̍masya
91.9
śṛ̱tama̱jaṃ śṛta̱yā prorṇu̍hi tva̱cā sarvai̱raṅge̱ḥ saṃbhṛ̍taṃ vi̱śvarū̍pam
sa utti̍ṣṭhe̱to a̱bhi nāka̍mutta̱maṃ padbhi̱ścatu̍rbhi̱ḥ prati̍ tiṣṭha di̱kṣu
Linked texts (2)
- Atharvaveda — Sanskrit
- Śaunakasaṃhitā — Sanskrit