Angirasi 95
Aṅgirasī 95
- Language
- Sanskrit
95.1
u̱to a̱syava̍ndhukṛdu̱to a̍si nu jā̱mikṛt
u̱to kṛtyākṛ̱taḥ pra̱jāṃ na̱ḍami̍vā chindhi vā̱rṣikam
95.2
brāhma̍ṇena̱ paryu̍ktāsi̱ kaṇve̍na̱ nārṣa̱dena̍
sene̍vaiṣi̱ tviṣī̍matī̱ na tatra̍ bha̱yama̍sti̱ yatra̱ prāpnoṣyo̍ṣadhe
95.3
agra̍meṣyoṣa̍dhīnā̱ṃ jyoti̍ṣevābhidī̱paya̍n
u̱ta trā̱tāsi̍ pā̱kasyātho̍ hantāsi̍ ra̱kṣasa̍ḥ
95.4
yada̱do de̱vā asu̍rāṃstvayāgre̱ niraku̍rvata
tata̱stvama̍dhyoṣadhepāmā̱rgo a̍jāyathāḥ
95.5
vi̱bhinda̱tī śa̱taśā̍khā vi̱bhinda̱nnāma̍ te pi̱tā
pratya̱gvi bhi̍ndhi̱ tvaṃ taṃ yo a̱smām̐ a̍bhidā̱sa̍ti
95.6
asa̱ṅgyāḥ sarmabhavattadyāmaiti mahadvya̍caḥ
tadvai tato̍ vidhupāryatpratyakkartāra̍mṛcchatu
95.7
pratyaṅ hi saṃbabhūvitha pratīcīnaphalastvam
sarvānmacchapathām̐ adhi varīyo yāvayā vadham
95.8
śatena̍ mā pari pāhi sahasreṇābhi rakṣa mā
indra̍ste vīrudhāṃ pata ugra ojmāna̱mā da̍dhat
Linked texts (2)
- Atharvaveda — Sanskrit
- Śaunakasaṃhitā — Sanskrit