Arshika 1: atha sāmavedapūrvārcike prathamaḥ prapāṭhakaḥ
Ārṣika 1
- Language
- Sanskrit
atha sāmavedapūrvārcike prathamaḥ prapāṭhakaḥ
1.1
o3m || namaḥ sāmavedāya || śrīgaṇeśāya namaḥ || o3m
agna ā yāhi vītaye gṛṇāno havyadātaye | ni hotā satsi barhiṣi
1.2
tvamagne yajñānāgṃ hotā viśveṣāgṃ hitaḥ | devebhirmānuṣe jane
1.3
agniṃ dūtaṃ vṛṇīmahe hotāraṃ viśvavedasam | asya yajñasya sukratum
1.4
agnirvṛtrāṇi jaṃghanaddraviṇasyurvipanyayā | samiddhaḥ śukra āhutaḥ
1.5
preṣṭhaṃ vo atithigṃ stuṣe mitramiva priyam | agne rathaṃ na vedyam
1.6
tvaṃ no agne mahobhiḥ pāhi viśvasyā arāteḥ | uta dviṣo martyasya
1.7
ehyū ṣu bravāṇi te 'gna ityetarā giraḥ | ebhirvardhāsa iṃdubhiḥ
1.8
ā te vatso mano yamatparamāccitsadhasthāt | agne tvāṃ kāmaye girā
1.9
tvāmagne puṣkarādadhyatharvā niramaṃthata | mūrdhno viśvasya vāghataḥ
1.10
agne vivasvadā bharāsmabhyamūtaye mahe | devo hyasi no dṛśe