Arshika 10
Ārṣika 10
- Language
- Sanskrit
10.1
ardhaprapāṭhakaḥ
a̱pāṅ śipryaṃdha̍sassa̱udakṣa̍sya prahoṣi̱ṇaḥ | iṃdo̱riṃdro̱ yavā̍śiraḥ
10.2
i̱mā u̍ tvā puruvaso̱'bhi pra ṇo̍nuvu̱rgira̍ḥ | gāvo̍ va̱tsaṃ na dhe̱nava̍ḥ
10.3
atrā̱ha gora̍manvata̱ nāma̱ tvaṣṭu̍rapī̱cya̍m | itthā ca̍ṃdramaso gṛ̱he
10.4
yadiṃdro̱ ana̍yadi̱to mahīra̱po vṛṣa̍ṃtamaḥ | tatra̍ pū̱ṣābhu̍vatsa̱cā
10.5
gaura̍dhayati ma̱rutām̱̐ śrava̍syu̱rmātā̍ ma̱ghonā̍m | yuktā vahnī̱ rathā̍nām
10.6
upa̍ no̱ hari̍bhiḥ su̱taṃ yā̍hi̱ madā̍nāṃ pate | upa̍ no̱ hari̍bhiḥ su̱tam
10.7
dṛṣṭā hotrā̍ asṛkṣa̱tendra̍ṃ vṛdha̍ṃto adhva̱re | a̱hāva̱bhṛthamoja̍sā
10.8
a̱hama̍ddhi pi̱tuṣpari̍ me̱dhāmṛ̱tasya̍ jagra̱ha | a̱ham̐ sūrya̍ ivājani
10.9
revatīrnaḥ sadhamāda indre santu tuvivājāḥ | kṣumanto yābhirmadema
10.10
somaḥ pūṣā ca cetaturvi̱śvāsām̐ sukṣitīnām | deva̱trā ra̱thyorhitā
Linked texts (5)
- Sāmavedasaṃhitā (ed. Theodor Benfey) — Sanskrit
- Sāmavedīmantra — Sanskrit
- Āgneyagāna — Sanskrit
- Pūrvārcika — Sanskrit
- Chandasikā — Sanskrit