Arshika 100
Ārṣika 100
- Language
- Sanskrit
100.1
śiśu̍ṃ jajñā̱nam̐ ha̱ryyata̍ṃ mṛja̍ti śuṃbha̍ti vipra̍ṃ ma̱ruto̍ ga̱ṇena̍
ka̱virgī̱rbhiḥ kāvye̍na ka̱viḥ saṃtòma̍ḥ pa̱vitra̱matye̍ti rebhan̍
100.2
ṛṣi̱manā̱ ya ṛ̍ṣi̱kṛtsva̱rṣāḥ sa̱hasra̍nīthaḥ pada̱vīḥ ka̱vīnām̍
tṛ̱tīya̱ṃ dhāma̍ ma̱hiṣa̍ḥ siṣāsaṃtsòmo̍ vi̱rāja̱manu̍ rājati ṣṭup
100.3
ca̱mū̱ṣche̍naḥ śakuno vi̱bhṛtvā go̱viṃdurdra̍psa āyu̍dhāni bibhrat̍
a̱pāmū̱rmiṃm̐ saca̍mānaḥ samu̱draṃ tu̱rīya̱ṃ dhāma̍ ma̱hiṣo̍ vivakti
100.1-2
1
e̱te somā̍ a̱bhi priya̱miṃdra̍sya kāma̱makṣaran | vardha̍ṃto asya vī̱rya̍m
100.2-2
pu̱nā̱nāsa̍ścamū̱ṣado̍ ga̱haṃto̍ vā̱yuma̍śvinā | te no̍ dhatta su̱vīrya̍m
100.3-2
iṃdra̍sya soma̱ rādha̍se pu̱nāno̍ hārdi̍ṃ codaya | de̱vānā̱ṃ yoni̍māsa̱dam
100.4
mṛ̱jaṃti̍ tvā daśa̱ kṣipo̍ hi̱nvaṃti̍ sa̱pta dhī̱taya̍ḥ | anu̱ viprā̍ amādiṣuḥ
100.5
devebhyastvā madāya kam sṛjñānamati meṣyaḥ | saṃ gobhirvāsayāmasi
100.6
punānaḥ kalaśeśvā vastrāṇyaruṣo hariḥ | pari gavyānyavyata
100.7
maghona ā pavasva no jahi viśvā apa dviṣaḥ | iṃdo sakhāyamā viśa
100.8
nṛcakṣasaṃ tvā vayamiṃdrapītaḥ svavidam | bhakṣīmahi prajāmiṣam
Linked texts (4)
- Sāmavedasaṃhitā (ed. Theodor Benfey) — Sanskrit
- Āgneyagāna — Sanskrit
- Sarvadevapratiṣṭhāprakāśa — Sanskrit
- Sāmavedīmantra — Sanskrit