Arshika 105
Ārṣika 105
- Language
- Sanskrit
105.1
a̱gniṃ vo̍ de̱vama̱gnibhi̍ḥ sajo̱ṣā ya̍ji̱ṣṭhaṃ dūta̱madhva̱re kṛ̍ṇudhvam
yo martye̍ṣu nidhruviṝ̱tāvā̱ tapu̍rmūrdhā ghṛ̱tānna̍ḥ pāvaka̍ḥ
105.2
protha̱daśvo̱ na yava̍se ' viṣyanya̱dā maha̱ḥ saṃvara̍ṇādvyasthā̍t
āda̍sya̱ vāto̱ anu̍ vāti śo̱ciradha̍ sma te̱ vraja̍naṃ kṛ̱ṣṇama̍sti
105.3
u̱dyasya̍ te nava̍jātasya̱ vṛṣṇo̱ 'gne̱ cara̍ntya̱jarā̱ idhā̍nāḥ
a̱hnā dyāma̍ru̱ṣo dhūma̱ ṝṣi̱ saṃ dū̱to a̍gna īyase̱ hi de̱vān
105.1-2
6
tamindra̍ṃ vājayāmasi ma̱he vṛ̱trāya̱ haṃta̍ve | sa vṛṣā̍ vṛṣa̱bho bhu̍vat
105.2-2
iṃdra̱ḥ sa dāma̍ne kṛta oji̍ṣṭhaḥ sa balehitaḥ | dyu̱mnī ślokī̱ sa so̍myaḥ
105.3-2
gi̱rā vajro̱ na saṃbhṛ̍taḥ sabalo̱ ana̍pacyutaḥ | vava̱kṣa u̱gro a̍stṛtaḥ
105.1-3
10
a̱dha̱ryo adri̍bhiḥ su̱taḥ soma̍ṃ pa̱vitra̱ ā na̍ya | pu̱nāhīṃdrā̍ya pāta̍ve
105.2-3
tava̱ tya iṃdo̱ aṃdha̍so de̱vā madho̱rvyāśa̍ta | pa̱vamā̍nasya ma̱ruta̍ḥ
105.3-3
di̱vaḥ pī̱yūṣa̍mutta̱ma so̱mamiṃdrā̍ya vajriṇe̍ | suno̱tā madhu̍mattamam
105.1-4
11
dha̱rtā di̱vaḥ pa̍vate̱ kṛtvyo̱ raso̱ dakṣo̍ de̱vānā̍manumā̱dyo nṛbhi̍ḥ
hari̍ḥ sṛjā̱no a̍tyo̱ na satva̍bhirvṛthā pājāṃsi kṛṇuṣe nadīṣvā
105.2-4
śūro̱ na dhatta̱ āyu̍dhā gabha̍styoḥ svā3ḥ siṣā̍sannathi̱ro gavi̍ṣṭiṣu
iṃdra̍sya śu̱ṣmamī̍rayanna̱pasyubhi̍ri̱ṃḍurhinvā̱no a̍jyate manī̱ṣibhi̍ḥ
105.12
iṃdra̍sya̱ soma̍ pavamāna ū̱rmiṇā̍ taviṣyamā̱ṇo jaṭha̱reṣvā vi̍śa
pra na̍: pinva vi̱dyuda̍bhreva roda̍sī dhi̱yā no̱ vājā̍m̐ upa̱ māhi̱ śaśva̍taḥ ||3
Linked texts (5)
- Jaiminīyabrāhmaṇa (ed. Raghuvira) — Sanskrit
- Sāmavedasaṃhitā (ed. Theodor Benfey) — Sanskrit
- Sāmavedīmantra — Sanskrit
- Āgneyagāna — Sanskrit
- Sāmavedapāda — Sanskrit